Ezequiel 28:2 - Las Escrituras en Ashéninka Ucayali del Sur

² “Shirampari, eeroka noñaanatzi, piyaate pikamanteri iroka ñaantsi pinkatharitatsiri nampitsiki Tiro: ‘Iroka ikantaki Tajorentsi: Owanaana piñaaperowaetaka pishireki, pipinkathatashitakari tajorentsiniro riitaki jeekaentsiri iwinkatharimentoki tajorentsiniro othonka otapotakimi inkaare. Tema eeroka tee pitajorentsitzi, atziri pini, eeroka kenkithashiretashitacha apaniroeni ijeekitantakimi riyomento tajorentsiniro.

Ezequiel 28:2 ပူးပေါင်းရင်းမြစ်များ

Etanta-nakari 3:5

Tema riyotzitakawo Tajorentsi aririka pithotakiro okithoki pankirentsi ipinkakaemiri aritaki piyotanakiro kameethatatsiri eejatzi kaariperori, poshiyakotanakyaari ikantaha Tajorentsi rirori.”

Ezequiel 28:1

Ipokaki Tajorentsi jempe nojeeki naaka, ikantakina:

Ezequiel 28:17

Piñaakiro powaneenkata, owanaana piñaaperotanaka pishireki. Osheki omajontyaanakimi pishipakiryaanakira. Nookakimi jaawi, osheki pikaanitaki piñaakirira raminaminthatakimi pinkatharipaeni nomishitowakimira.

Ezequiel 28:9

¿Eekiroma pikenkithashiretatziiri tajorentsiniro, arika piñaawakiri ikaate maemanetemini? ¡Arika rotaeyemi ompojemini tekatsira piitya eeroka atzirimacheeni pini!

2 Tesalónica-jatzi 2:4

Kijaneentan-taniri irika, ikoyi rawijan-tapaaki ikimita-kaetyaari ipinkathee-tziri Tajorentsi tajorentsi-pankoki. Ikante: “Tajorentsira naaka.”

1 Timoteo 3:6

Ari ikantari eejatzi owakirata-tsiri ikemijantzi, eero omata reewata-kaante. Tema aririka imatero reewate, ari ikantakaa-pero-waeta-nakyaa, ari roshiya-kota-kyaari okaatzi awiji-mota-kiriri paerani Kamaari.

1 Pedro 5:5

Eeroka-paeni ewankari-paeni pipinkathateri jewari-paeni. Otzimatyee pipinkathata-wakae-yiteeyaa maawoeni, pitsinampashireyitee. Tema ikanteetzi: Tee ineshironkatziri Tajorentsi kantakaapero-waetachari, Riima tsinampa-shireri osheki ineshironkateeri rirori.

Roñaahan-teetziri 17:3

Ikanta raashire-tanakina ochempi-mashiki. Ari noñaakiro apaani tsinani okyaa-kotakari kityonkari owantachari, okaatzi 7 iito, 10 ichee. Eenitatsi waerontsi-paeni jankinateen-chari iwathaki, itheenka-tajorentsi-waeteetzi.

Roñaahan-teetziri 18:7

Aminaashi-waetaka okanta-piintzi roori: ‘Naaka pinkathawo, eero iñeetana nashironkaa-waetyaa noshiya-kotyaawo kinankawo.’ Tema osheki ajahaa-wenta-pero-waetakawo owaneenkataha, oetziñaarikotakawo omayempi-perowaetaki. Rootakira oñaantyaawori nimaeka okemaatsi-pero-waeteeyaa.