1 Pedro 3:12 - Las Escrituras en Ashéninka Ucayali del Sur

¹² Tema riyotziri Awinkatharite ikaatzi kameetha-shireri. Rowayempitatari ikaatzi amana-piinteeriri. Riima kaari-pero-shireri-paeni, ikatsimatziri raminiri Awinkatharite.

1 Pedro 3:12 ပူးပေါင်းရင်းမြစ်များ

Leví-iti 20:3

Tema ari nokijaneen-teeri naaka irika-paeni, aritaki nothonkaeri inampiki, tema riitaki owaaripero-takirori tajorentsi-thaante, rowinkatharyaakiro nowaero, okantakaan-tziro rashita-kaakari reenchaa-nikiti tajorentsi-niro iitachari ‘Pinkathari Itaawen-teetziri Eenchaa-niki-paeni’.

Leví-iti 20:6

Atziri-paeni ikaati awentee-yaarini sheripiyari-paeni, eejatzi yotantaniri-paeni, kaariperotaki rirori rawentaakarira. Tema nokijaneentakiri naaka irika atziri, aritaki nothonkaeri inampiki.

Juan 9:31

Tema ayoteeyini maawoeni tee ikemiri Tajorentsi antzirori kaari-perori. Apatziro ikemiro ramanani pinkatha-tziriri, ikaatzi antaneerori ikoyiri.

Santiaho 5:16

Powaryaa-shiretziri-kari pisheninka, pikanteeri: “Pipeyakoteena.” Pamaneeri Tajorentsi, pikanteri: “Ashitanari, petsiyata-kota-kaayiteeri mantsiya-yitatsiri.” Tema aririka ramana-kotantyaa kameetha-shireri, rantayitziniri ikowako-yitziriri.