1 Corinto-jatsi 13:9 - Las Escrituras en Ashéninka Ucayali del Sur

⁹ Tekiraata riyotee-tziro maawoeni, tekiraata ikamantantee-tziro okantakoyita maawoeni tzimayita-tsiri.

1 Corinto-jatsi 13:9 ပူးပေါင်းရင်းမြစ်များ

Mampaantsi 40:5

¡Noyinkatharite! Tajorentsi, pitajonkawentantapiintee, Osheki poshiretapiinteena, Tekatsi oshiyeemini eeroka, Noñaawenawitakawo nokamanteri itsipapaeni atziri okaatzi pitajonkawentantayitakira. Roori kantzimaetacha oshekiperotanee jempe okaatzi kaari riyoteetzi.

Mateo 11:27

Ikantanakiri piyowenta-kariri: “Riitaki Ashitanari yotakaa-nawori maawoeni. Apatziro riyotana rirori, tema naaka Itomi. Ari nokimitzita naaka apatziro niyotziri Ashitanari, kantacha niyotakaa-yiteeri nokoyiri naaka riyoteeri.

Roma-jatzi 11:34

Iroka rojankinata-koetakiri, ikanteetaki: ¿Eenitatsima yotzirori ikenkishiryaari Pinkathari? ¿Eenitatsima iita materoni ikaminayiri?

1 Corinto-jatsi 13:10

Rooma aririka okaatapaaki monkaayita-chani paata, eero akowaneero iroka-paeni okaate peyayitaa-chani.

1 Corinto-jatsi 13:12

Kantacha oshiyakaantero eejatzi jempe akanta aminaatyaaworika eshiro-takiri. Eero akoñaaperotzi kameetha, eero ayotzi jempe akantawaeta. Rooma paata aririka iyotako-peroteeri jempe ikanta-kota Tajorentsi, aritaki akimiteeyaari rirori riyoyitee aakapaeni.

1 Corinto-jatsi 2:9

Roo kanteencha rootaki rojankinata-koetzi-takari paerani, ikanteetaki: Okaatzi ikashiya-kaariri Tajorentsi etakotaariri rirori, Anaaperoteero amina-piinteetziri, ikema-piintee-tziri, Anaaperotziro okaatzi iñaashiretakari.

1 Corinto-jatsi 8:2

Ari okanta itzimantari ajahaa-wenta-waeta-chari, kantatsiri: “Naaka yoperotaniri.” Tema tekira riyota-nitzi ikaatzi kantayita-tsiri.

Efeso-jatzi 3:8

Tema naaka rawijani maawoeni rashiyitaari Tajorentsi. Roo kanteencha ikaminthahaana naaka, ishinetakina nokenkithateeniri Kameethari Ñaantsi kaari Judá-paeni, rootaki riyotan-teeyaari osheki itajonka-wenta-yiteeri Jeepatzii-totaa-rewo.

1 Juan 3:2

Ari okanta netakotani-paeni. Itomintaana Tajorentsi. Tekira ayotako-perotziro jempe akantayiteeyaa paata. Apatziro ayotzi ari akimitee-yaari ikantaha Jeepatzii-totaa-rewo aririka ipiyapaaki, tema ari omatakyaa añeeri jempe ikanta rirori.