Mateo 19:19 - Ajyíninka Apurucayali

¹⁹ Pimpinkathatiri ashitzimiri. Pitakotaiyaari pijyininka pinkimitakaantairi pitakotapiinta iiroka.

Mateo 19:19 ပူးပေါင်းရင်းမြစ်များ

Mateo 19:20

Ari ikantzi mainari: “Nimatakiro maawoni jirokapaini, irojatzi nitanakawo pairani iinta niryaanitapaakiini. ¿Iitama kowityaachari iroñaaka?”

Mateo 22:39

Ari ojyawo apititanaintsiri: Ontzimatyii pitakotaiyaari pijyininka, pinkimitakaantairi pinishironkatziro iiroka piwatha.

Mateo 5:43

Piyotaiyironi iiroka ikantaitakiri pairani: Pinishironkatiri pijyininkapirori. Iriima atziri kijyimiri, pinkijyiri irirori.

Lucas 10:27

Ari jakanaki irirori, ikantzi: “Pitakoshiritaiyaari Awinkathariti Pawa, pitakopirotaiyaari, pitakoshintsitaiyaari, pampithashiri powairi. Ari okimitari iijatzi: Ontzimatyii atakotawakaiya maawoni, akimita anishironkatziro awatha, ari ankimitanairi ajyininka”.

Roma-Jatziiti 13:9

Jiroka josankinaitakiri Ikantakaantani, kantatsiri: Iiro pimayimpiritzi. Iiro pitsitokantzi. Iiro pikoshitzi. Iiro pithiiyakotanta. Iiro pinintakotantawaitzi. Tzimatsi iijatzi ojyiki pashini ikantakaantaitakiri. Iro kantzimaitachari jiroka iroopirotatsiri ikantakaantaitakiri, kantatsiri: Pitakotaiyaari pijyininka pinkimitakaantyaari pitakotapiinta iiroka.

Galacia-jatziiti 5:14

Ojyiki inawita ñaantsi josankinayiitakiri Ikantakaantaniki, iro kantzimaitachari, apaani okanta kowapirotachari ayotairi, okantzi: Pitakotaiyaari pijyininka, pinkimitakaantairi pitakotawo piwatha iiroka.

Santiago 2:8

Pantakiro kamiithari imapirorika pikimisantanairo iroopirori Ikantakaantaitziri, tima josankinaitaki pairani, kantatsiri: Pitakotyaari pijyininka, pinkimitakaantiri pitakotawo piwatha iiroka.