Mateo 13:57 - Ajyíninka Apurucayali

⁵⁷ Owanaa ithainkaitakiri, ikisaniintaitanakiri. Iro ikantantanakari Jesús: “Jashi jowiro Kamantantaniri ikimisantaitziri pashiniki nampitsi, irooma inampiki irirori, tii ikimisantaitziri”.

Mateo 13:57 ပူးပေါင်းရင်းမြစ်များ

Mateo 11:6

Inkimoshiriwintaina kaari kisoshiriwintinari”.

Mateo 13:58

Owanaa ithainkimataitakiri Jesús inampiki, irootaki kaari itasonkawintanta.

Marcos 6:1

Ikanta Jesús ipiyaa inampiki, ari joyaatairi maawoni jiyotaani.

Marcos 6:14

Ariitakotakari pinkathari Herodes okaatzi jantayitakiri Jesús. Tima ikantaitaki: “Añagaira Juan owiinkaatantaniri. Piñiiro otzimi ishintsinka”.

Marcos 6:3

¿Kaarima jirika añaapiintziri ikimitziro inchakota? ¿Iriitaki otomi María? ¿Añiiri Jacobo, José, Judas, Simón, iriitaki iririntzipaini? ¿Kaarima iritsiro atsipayitari anampitawo jaka?” Ari opoña tii ikimisantaitziri.

Marcos 6:4

Ikantanaki Jesús: “Jashi jowiro Kamantantaniri ikimisantaitziri pashiniki nampitsi, irooma inampiki irirori isaikayitzi ijyininka, tii ikimisantaitziri”.

Lucas 4:24

Iikiro ikantanakitzi Jesús: “Imapirotatya nonkantimiri, ‘jashi jowatziiro kamantantaniri tii ipinkathaitziri inampiki tsika isaikayitzi ijyininka’.

Lucas 7:23

Irootaki inkimoshiritantaiyaari inkaati kaari kisoshiriwintainani”.

Juan 4:44

Tima iri Jesús kantaintsiri: “Apaani kamantantaniri tii ipinkathaitziri inampipiroki”.

Juan 6:42

Ari ikantawakaiyanakani: “¿Kaarima jirika Jesús, itomi José? Niyotziri naaka ashitariri. ¿Iitama ikantantari: ‘Nopoñaatya inkitiki?’ ”

Juan 6:61

Ikanta Jesús, jiyotaki okaatzi ikijyimawaitziriri, josampitanakiri: “¿Tiima inimotzimi jiroka?