1 Corinto-Jatziiti 2:16 - Ajyíninka Apurucayali

¹⁶ Irootaki josankinatakotsitaikari jaka, kantatsiri: ¿Tzimatsima iitya yotakopirotairini ikinkishiritani Awinkathariti? ¿Tzimatsima iitya matirini jiyotairi? Irooma aakaiti, jiyotakaayitairo okantakota ikinkishiritani Cristo.

1 Corinto-Jatziiti 2:16 ပူးပေါင်းရင်းမြစ်များ

Juan 15:15

Aritapaaki nokimitakaantzimi ompirataari, tima apaani ompirataari tii jiyotzi okaatzi jantayitziri ompiratariri. Aña nokimitakaantzimi naapatziyani, tima nokamantaimiro maawoni ikantanari Ashitanari.

Roma-Jatziiti 11:34

Jiroka josankinatakoitakiri, ikantaitaki: ¿Iitama yotzirori ikinkishiritari Pinkathari? ¿Iitama matironi inkaminairi?

1 Corinto-Jatziiti 12:8

Thami ojyakaawintawakiro, tzimayitatsi itasonkawintaki Tasorintsinkantsi ari okanta jiyotanitantari. Tzimatsi pashini itasonkawintaki Tasorintsinkantsi ari okanta ikinkithatakotantawori ikinkishiritanaari.