Titus 2:2 - Yn Conaant Noa 1810

² Dy bee ny shenn gheiney fudagh, soccaragh, sheelt, fondagh ’sy chredjue, ayns giastyllys, ayns meenid:

Yn Vible Casherick 1775 1819

² Dy bee ny shenn gheiney fudagh, soccaragh, sheelt, fondagh ’sy chredjue, ayns giastyllys, ayns meenid:

Titus 2:2 ပူးပေါင်းရင်းမြစ်များ

Noo Mark 5:15

As haink ad gys Yeesey, as honnick ad eshyn va’n drogh‐spyrryd as y legion er ny ve ayn, ny hoie, as e eaddagh er, as dy mie ayns e cheeayl, as ghow ad aggle.

Noo Luke 8:35

Eisht hie ad magh dy yeeaghyn cre va jeant; as haink ad gys Yeesey, as hooar ad y dooinney, ass va ny drogh‐spyrrydyn er n’gholl, ny hoie ec cassyn Yeesey, as e eaddagh er, as v’eh dy mie ayns e cheeayl: as ghow ad aggle.

Jannoo 24:25

As myr v’eh resooney mychione cairys, sheeltys, as y vriwnys ry heet, huitt Felix er creau, as dansoor eh, Immee royd son y traa shoh, as cha leah’s yioym caa cooie er y hon, ver‐ym fys ort.

Romanee 12:3

Son, liorish y ghrayse er ny choyrt dooys, ta mee gra rish dy chooilley ghooinney ta ny vud eu, gyn dy smooinaghtyn ny syrjey jeh hene na lhisagh eh smooinaghtyn; agh dy smooinaghtyn dy sheelt, cordail rish y towse dy chredjue ta Jee er rheynn er dy chooilley ghooinney.

1 Corinthianee 15:34

Dooisht‐jee gys cairys, as ny cur‐jee rish peccah; son ta paart nagh vel tushtey oc dy Yee: ta mee grah shoh gys y nearey eu.

1 Corinthianee 9:25

As dy chooilley ghooiney ta streeu son y varriaght, t’eh sheelt ayns dy chooilley nhee. Nish t’adsyn jannoo shoh dy chosney attey hed naardey, agh shinyn dy chosney attey nagh jed naardey.

2 Corinthianee 5:13

Son edyr shin ve shaghey shin hene, tee gys Jee: ny edyr shin ve orrin hene, te er y ghraih euish.

Galatianee 5:23

Meenid, sheeltys: noi nyn lheid cha vel leigh erbee.

Philippianee 4:8

Ayns focklyn giarey, my chaarjyn, cre‐erbee ny reddyn ta firrinagh, cre‐erbee ny reddyn ta ooasle, cre‐erbee ny reddyn ta cairagh, cre‐erbee ny reddyn ta glen, cre‐erbee ny reddyn ta graihoil, cre‐erbee ny reddyn ta jeh goo mie; my ta foays erbee, as my ta moylley erbee, smooinee‐jee er ny reddyn shoh.

1 Thessalonianee 5:6

Ny lhig dooin er‐y‐fa shen cadley myr ta feallagh elley; agh lhig dooin ve er nyn arrey as sheelt.

1 Thessalonianee 5:8

Agh lhig dooinyn ta jeh’n laa, ve sheelt, coyrt orrin yn breast‐plate dy chredjue as graih, as son bayrn‐caggee, yn treishteil dy haultys.

1 Timothy 1:10

Cour maarderee, ny chour ocsyn ta cur rish peccah neu‐ghooghyssagh, ny chour ocsyn ta geid deiney, cour breageryn, cour persoonyn oaiagh, as my ta red erbee elley ta noi ynsagh follan,

1 Timothy 1:14

As va grayse nyn Jiarn erskyn towse orrym, lesh credjue, as graih ta ayns Creest Yeesey.

1 Timothy 1:2

Gys Timothy, my vac hene ayns y chredjue: Grayse, myghin, as shee veih Jee nyn Ayr, as Yeesey Creest nyn Jiarn.

1 Timothy 1:5

Nish ta graih lhieeney yn anney, ayns cree glen, as cooinsheanse vie, as credjue firrinagh:

1 Timothy 3:11

Shegin da ny mraane oc myrgeddin ve dy ymmyrkey fudagh, cha nee scammyltee, agh sheelt, ynrick ayns dy chooilley nhee.

1 Timothy 3:2

Shegin da aspick eisht ve gyn loght, sheshey‐poost un ven, tastagh, sheelt, jeh ymmyrkey‐bea mie, aggindagh dy choyrt oltaghey‐bea, aghtal dy ynsaghey;

1 Timothy 3:4

Dooinney ta gymmyrkey reill mie ayns e hie hene, as e chloan fo smaght lesh slane sheeltys;

1 Timothy 3:8

Myrgeddin shegin da ny shirveishee ve soccaragh, cha nee chengey lhiam as lhiat, nagh bee ad neu‐heelt ayns feeyn, gyn ve sondagh er cosney scammyltagh,

1 Timothy 5:1

Ny cur oghsan da shanstyr agh coyrlee eh myr ayr, as ny deiney saa myr braaraghyn;

Titus 1:13

Ta’n feanish shoh firrinagh, shen‐y‐fa cur oghsan gyere daue dy vod ad ve shickyr ’sy chredjue.

Titus 1:8

Agh arryltagh dy choyrt oltaghey‐bea, carrey da deiney mie, soccaragh, cairagh, crauee, sheelt;

Titus 2:7

Ayns dy chooilley nhee jeeaghyn oo hene sampleyr dy obbraghyn mie: ayns ynsagh soilshaghey magh firrinys y chredjue, craueeaght, ynrickys,

Philemon 1:9

Ny‐yeih er graih ainjys [creestee] ta mee goaill myr reih dy yannoo aghin hood’s, mish Paul ta my henn ghooinney, as nish myrgeddin pryssoonagh Yeesey Creest.

1 Peddyr 1:13

Shen‐y‐fa kiartee‐jee seose meeghyn nyn aigney, bee‐jee sheelt, as treisht‐jee gys y jerrey, son y ghrayse vees er ny choyrt diu tra vees Yeesey Creest er ny hoilshaghey;

1 Peddyr 4:7

Agh ta jerrey dy chooilley nhee er‐gerrey: bee‐jee er‐y‐fa shen sheelt, as watch‐jee gys padjer.

1 Peddyr 5:8

Bee‐jee sheelt, bee‐jee er nyn arrey; er‐yn‐oyr dy vel y noid eu yn drogh‐spyrryd myr lion buirroogh, shooyl mygeayrt, shirrey quoi oddys eh y stroie:

2 Peddyr 1:6

As gys tushtey, sheeltys; as gys sheeltys, surranse; as gys surranse, craueeaght;