Romanee 9:5 - Yn Conaant Noa 1810

⁵ Lhieu va ny ayraghyn, as jeusyn cordail rish yn eill haink Creest, ta harrish ooilley, Jee bannit son dy‐bragh. Amen.

Yn Vible Casherick 1775 1819

⁵ Lhieu va ny ayraghyn, as jeusyn cordail rish yn eill haink Creest, ta harrish ooilley, Jee bannit son dy bragh. Amen.

Romanee 9:5 ပူးပေါင်းရင်းမြစ်များ

Noo Mian 28:20

Gynsaghey daue dy reayll dy chooilley nhee cre‐erbee ta mish er chur ayns sarey diu: as cur‐my‐ner, ta mish mêriu kinjagh, eer gys jerrey yn theihll. Amen.

Noo Mian 6:13

As ny leeid shin anyns miolagh, agh livrey shin veih olk: Son lhiat’s y reeriaght, as y phooar, as y ghloyr, son dy bragh. Amen.

Noo Luke 20:44

Ta David er‐y‐fa shen genmys eh ny Hiarn, kys t’eh eisht yn mac echey?

Noo Ean 10:30

Ta mish as my Ayr unnane.

Jannoo 20:28

Cur‐jee twoaie er‐y‐fa shen diu hene, as da ooilley yn chioltane harrystoo ta’n Spyrryd Noo er n’yannoo shiu nyn aspickyn, dy veaghey agglish Yee, t’eh er chionnaghey lesh e uill hene.

Jannoo 3:13

She Jee Abraham, as Isaac, as Jacob, Jee ny ayraghyn ain t’er ghloyraghey e Vac Yeesey; ren shiuish y livrey seose as y obbal ayns fenish Pilate, tra v’eh kiarit y raad y lhiggey da.

Romanee 1:25

Ren caghlaa firrinys Yee gys breg, as ooashlaghey as shirveish y cretoor erskyn y Fer croo, ta bannit son dy bragh. Amen.

Romanee 1:3

Mychione e Vac Yeesey Creest nyn Jiarn, rug jeh sluight Ghavid lurg dooghys ny foalley,

Romanee 10:12

Son cha vel veg y soiagh eddyr yn Hew as y Greek; son ta’n Chiarn cheddin harrish ooilley, berchagh dauesyn ooilley ta geamagh er.

Romanee 11:28

As mychione y sushtal, she noidyn ad er y ghraih euish: agh liorish dy row ad reiht, ta graih er ny choyrt daue er coontey nyn ayraghyn.

1 Corinthianee 14:16

Er‐nonney tra t’ou bannaghey lesh y spyrryd, kys nee eshyn nagh vel dy dty hoiggal, gra Amen tra t’ou coyrt booise, fakin nagh vel eh toiggal cre t’ou dy ghra?

2 Corinthianee 11:31

Ec Jee as Ayr nyn Jiarn Yeesey Creest, ta bannit son dy bragh, ta fys nagh vel mish jannoo breg.

1 Timothy 3:16

As son shickyrys, s’mooar ta’n folliaght dy chraueeaght: va Jee er ny hoilshaghey ’syn eill, er ny heyrey liorish y spyrryd, er ny akin liorish ainleyn, er ny phreacheil gys ny Ashoonee, er ny chredjal ayn ’sy theihll, er ny ghoaill seose ayns gloyr.

1 Timothy 6:15

Shen nee eshyn ayns traa cooie y hoilshaghey, ta’n ynrycan Ard‐reilltagh bannit, yn Ree dy reeghyn, as Chiarn dy hiarnyn;

2 Timothy 2:8

Cooinee dy row Yeesey Creest jeh sluight Ghavid, troggit veih ny merriu cordail rish my hushtal:

Hebrewnee 7:24

Agh ta ec y dooinney shoh er‐yn‐oyr dy vel eh tannaghtyn dy bragh, saggyrtys gyn caghlaa.

1 Ean 5:20

As ta fys ain dy vel Mac Yee er jeet, as er choyrt dooin tushtey, dy vod mayd enney y choyrt ersyn ta firrinagh: as ta shin aynsyn ta firrinagh, dy jarroo ayns e Vac Yeesey Creest. Shoh yn Jee firrinagh, as yn vea dy bragh farraghtyn.

Ashlish 1:18

Mish eh ta bio, as va marroo; as cur‐my‐ner ta mee bio er son dy bragh, Amen; as ta aym ogheryn niurin as baase.

Ashlish 22:16

Ta mish Yeesey er choyrt my ainle dy ve feanish diu jeh ny reddyn shoh ayns ny kialteenyn. Mish fraue as sluight Ghavid, as rollage sollys y voghrey.

Ashlish 22:20

T’eshyn ta gymmyrkey feanish gys ny reddyn shoh, gra, Dy firrinagh ta mee cheet dy tappee. Amen. Eer myr shoh, tar, Hiarn Yeesey.

Ashlish 5:14

As dooyrt ny kiare cretooryn, Amen. As huitt ny kiare shanstyryn as feed sheese as hug ad ooashley dasyn ta bio son dy bragh as dy bragh.