Romanee 9:32 - Yn Conaant Noa 1810

³² Cre’n‐fa? Er‐yn‐oyr nagh hir ad er y hon liorish credjue, agh myr dy beagh eh liorish obbraghyn y leigh: son ren ad snapperal ec y chlagh hug orroo tuittym;

Yn Vible Casherick 1775 1819

³² Cre’n-fa? Er-yn-oyr nagh hir ad er y hon liorish credjue, agh myr dy beagh eh liorish obbraghyn y leigh: son ren ad snapperal ec y chlagh hug orroo tuittym;

Romanee 9:32 ပူးပေါင်းရင်းမြစ်များ

Noo Mian 13:57

As va’d jymmoosagh rish. Agh dooyrt Yeesey roo, Cha vel phadeyr gyn ooashley, agh ayns e heer hene, as ayns e hie hene.

Noo Luke 2:34

As vannee Simeon ad, as dooyrt eh rish Moirrey e voir, Cur‐my‐ner ta’n lhiannoo shoh soit dy chur sheese as dy hoiaghey seose ymmodee ayns Israel; as son cowrey dy oltooan.

Noo Luke 7:23

As bannit ta eshyn nagh jean beg y hoiaghey jeem’s.

Romanee 10:3

Son mee‐hushtagh jeh cairys Yee, as shirrey dy hoiaghey seose yn chairys oc hene, cha vel ad er injillaghey ad hene gys cairys Yee.

Romanee 11:11

Ta mee gra eisht, Vel ad er snapperal dy duittagh ad? Ny lhig eh Jee: agh liorish yn tuittym ocsyn ta saualtys er jeet gys ny Ashoonee, dy ghreinnaghey ad gys eadolys.

Romanee 4:16

Shen‐y‐fa te jeh credjue, dy voddagh eh ve jeh foayr; dy voddagh y gialdyn ve shickyr da ooilley’n sluight, cha nee dauesyn ny lomacan ta fo’n leigh, agh dauesyn myrgeddin ta jeh credjue Abraham, ta’n ayr ain ooilley.

1 Corinthianee 1:23

Agh ta shinyn preacheil Creest v’er ny chrossey, da ny Hewnyn, scammylt, as da ny Greekyn, ommijys;

1 Peddyr 2:6

Shen‐y‐fa myrgeddin te rait ayns goo Yee, Cur‐my‐ner, ta mee soiaghey ayns Sion ard‐chlagh chorneilagh, reiht, costal: as eshyn ta credjal aynsyn cha bee eh mollit.

1 Peddyr 2:8

As clagh son snapperal, as creg son tuittym er, dy jarroo dauesyn ta snapperal ec y goo, myr t’ad mee‐viallagh, gys shen v’ad myrgeddin er nyn bointeil.