Romanee 9:3 - Yn Conaant Noa 1810

³ Son baillym dy beign hene giarit magh veih Creest, er graih my vraaraghyn as my chynney cordail rish yn eïll:

Yn Vible Casherick 1775 1819

³ Son baillym dy beign hene giarit magh veih Creest, er graih my vraaraghyn as my chynney cordail rish yn eill:

Romanee 9:3 ပူးပေါင်းရင်းမြစ်များ

Jannoo 13:26

Gheiney as vraaraghyn, cloan kynney Abraham, as quoi‐erbee ta nyn mast’ euish goaill aggle roish Jee, hiuish ta goo yn taualtys shoh er ny chioyrt.

Jannoo 22:5

Myr ta’n ard‐saggyrt hene gymmyrkey feanish lhiam, as slane quaiyl y chanstyr: voue hooar mee myrgeddin screeuyn gys ny braaraghyn, as hie mee gys Damascus, dy chur lhiam adsyn v’ayns shen, kianlt gys Jerusalem, dy v’er nyn gerraghey.

Jannoo 28:21

As dooyrt adsyn rish, Cha dooar shinyn edyr screeunyn veih Judea my‐dty‐chione, chamoo ren veg jeh ny braaraghyn t’er jeet soilshaghey ny loayrt red erbee dy olk jeed.

Romanee 1:3

Mychione e Vac Yeesey Creest nyn Jiarn, rug jeh sluight Ghavid lurg dooghys ny foalley,

Romanee 11:1

Ta mee gra eisht, Vel Jee er hilgey jeh e phobble hene! Ny lhig eh Jee. Son ta mee hene myrgeddin my Israelite jeh sluight Abraham, jeh sheeloghe Venjamin.

Romanee 11:14

My she shen dy voddym liorish saase erbee greinnaghey adsyn ta m’eill hene, dy heet stiagh gys y chredjue, as paart jeu y hauail.

Romanee 16:11

Bannee‐jee Herodian my ghooinney‐mooinjerey. Bannee‐jee adsyn ta jeh lught‐thie Narcissus, ta ayns y Chiarn.

Romanee 16:21

Ta Timotheus my heshey‐obbree, as Lucius, as Jason, as Sosipater my gheiney‐mooinjerey, bannaghey shiu.

Romanee 16:7

Bannee‐jee Andronicus as Junia my gheiney‐mooinjerey as my heshaghyn‐pryssoonee, ta jeh goo ooasle mastey ny ostyllyn, va myrgeddin ayns Creest roym’s.

Romanee 9:2

Dy vel aym trimshey trome as dobberan kinjagh ayns my chree.

1 Corinthianee 12:3

Shen‐y‐fa ta mish soilshaghey diu, nagh vel dooinney erbee ta loayrt liorish Spyrryd Yee, genmys Yeesey mollaghtagh: as nagh vod dooinney erbee gra dy nee Yeesey yn Chiarn, agh liorish y Spyrryd Noo.

1 Corinthianee 16:22

My ta dooinney erbee nagh vel graih echey er y Chiarn Yeesey Creest, lhig da ve Anathema, Maran‐atha.

2 Corinthianee 12:15

As dy feer arryltagh nee’m baarail, as bee’m er my vaarail er nyn son eu; ga myr smoo dy mooar ta mish graihagh erriuish, sloo dy ghraih t’euish orrym.

Galatianee 1:8

Agh ga dy jinnagh shinyn, ny ainle veih niau, sushtal erbee elley y phreacheil hiuish, na shen ta shinyn er phreacheil hiuish, lhig da ve giarit magh [veih’n agglish.]

Galatianee 1:9

Myr dooyrt shin roïe, myr shen ta mee nish dy ghra reesht, My nee fer erbee preacheil sushtal erbee elley hiuish, agh shen ta shiu er ghoaill rish, lhig da ve giarit magh.

Galatianee 3:10

Son whilleen as ta jeh obbraghyn y leigh, t’ad fo’n mollaght: son te scruit, Cursit ta dagh unnane nagh vel tannaghtyn ayns dy chooilley nhee ta scruit ayns lioar y leigh dy yannoo ad.

Galatianee 3:13

Ta Creest er livrey shin veih mollaght y leigh, eh hene jeant ny vollaght er nyn son: son te scruit Cursit ta dagh unnane ta croghey er billey:

Ephesianee 6:5

Shiuish harvaantyn, bee‐jee biallagh dauesyn ta nyn mainshteryn cordail rish yn eill, lesh aggle as arrym, ayns ynrickys cree, myr da Creest: