Romanee 9:24 - Yn Conaant Noa 1810

²⁴ Dy‐jarroo shinyn t’eh er n’eam, cha nee jeh ny Hewnyn ny‐lomarcan, agh jeh ny Ashoonee myrgeddin.

Yn Vible Casherick 1775 1819

²⁴ Dy jarroo shinyn t’eh er n’eam, cha nee jeh ny Hewnyn ny-lomarcan, agh jeh ny Ashoonee myrgeddin.

Romanee 9:24 ပူးပေါင်းရင်းမြစ်များ

Jannoo 15:14

Ta Simeon er hoilshaghey kys ren Jee ec y toshiaght jeeaghyn er ny Ashoonee dy ghoaill assdoo pobble son e ennym hene.

Romanee 10:12

Son cha vel veg y soiagh eddyr yn Hew as y Greek; son ta’n Chiarn cheddin harrish ooilley, berchagh dauesyn ooilley ta geamagh er.

1 Corinthianee 1:9

Ta Jee firrinagh, liorish va shiu er nyn eam gys sheshaght e Vac Yeesey Creest nyn Jiarn.

Galatianee 3:28

Cha vel ny sodjey Hew ny Greek, cha vel sharvaant ny seyr, cha vel fyrrynagh ny bwoirrynagh: son ta shiu ooilley unnane ayns Creest Yeesey.

Colossianee 3:11

Mârishyn cha vel edyr Greek ny Hew, giarey‐chymmylt ny an‐ghiarey‐chymmylt, Barbarian, Scythian, sharvaant ny seyr: agh ta Creest ooilley, as ayns ooilley.

Hebrewnee 3:1

Shen‐y‐fa, vraaraghyn chrauee, paarteeassyn ’syn eam flaunyssagh, cur‐jee tastey mie da Yeesey Creest, ostyl as ard‐saggyrt nyn gredjue:

1 Peddyr 5:10

Agh dy jean y Jee jeh dy chooilley ghrayse, ta er n’eamagh orrin gys e ghloyr dy bragh farraghtyn liorish Creest Yeesey, lurg diu ve er hurranse tammylt beg, dy jean eh shiu y yannoo dy firrinagh mie, dy jean eh shiu y chummal seose, y niartaghey, as y hickyraghey,

Ashlish 19:9

As dooyrt eh rhym, Scrieu Maynrey t’adsyn ta er nyn guirrey gys shibber‐banshey yn Eayn. As dooyrt eh rhym, T’ad shoh raaghyn firrinagh Yee.