Romanee 9:22 - Yn Conaant Noa 1810

²² Cre my ren Jee, va’n aigney echey dy hoilshaghey e yymmoose, as dy yannoo e phooar cronnal, gymmyrkey lesh lane surranse‐foddey rish ny siyn dy chorree aarloo son toyrt‐mow:

Yn Vible Casherick 1775 1819

²² Cre my ren Jee, va’n aigney echey dy hoilshaghey e yymmoose, as dy yannoo e phooar cronnal, gymmyrkey lesh lane surranse-foddey rish ny siyn dy chorree aarloo son toyrt-mow:

Romanee 9:22 ပူးပေါင်းရင်းမြစ်များ

Romanee 1:18

Son ta jymmoose Yee er ny hoilshaghey veih niau noi dy chooilley vee‐chraueeaght, as neu‐ynrickys ayns neu‐ynrickys.

Romanee 9:17

Son ta’n scriptyr gra rish Pharaoh, Son yn eer oyr shoh ta mee er dty hroggal seose, dy voddin soilshaghey my phooar aynyds, as by beagh m’ennym’s er ny ockley magh trooid ooilley’n seihll.

Romanee 9:20

Agh quoi uss, O ghooinney, ta pleadeil noi Jee? jir yn red t’er ny chummey rishyn ren eh y chummey, Cre’n‐fa t’ou er my yannoo myr shoh?

Romanee 9:21

Nagh vel pooar ec y pashey‐der harrish y chray, dy yannoo jeh’n un stoo saagh gys ymmyd ooasle, as saagh elley gys ymmyd mee‐ooasle?

1 Thessalonianee 2:16

Lhiettal shin veih loayrt rish ny Ashoonyn‐quaagh, dy voddagh ad v’er nyn sauail, dy lhieeney seose dy kinjagh towse nyn beccaghyn: son ta corree dy heet orroo gys y chooid sodjey.

1 Thessalonianee 5:9

Son cha vel Jee er phointeil shin gys corree; agh dy chosney saultys liorish nyn Jiarn Yeesey Creest,

2 Timothy 2:20

Agh ayns thie mooar cha vel ny lomarcan siyn airh, as argid, agh myrgeddin siyn fuygh, as cray; as paart son ooashley, as paart son mee‐ooashley.

1 Peddyr 2:8

As clagh son snapperal, as creg son tuittym er, dy jarroo dauesyn ta snapperal ec y goo, myr t’ad mee‐viallagh, gys shen v’ad myrgeddin er nyn bointeil.

1 Peddyr 3:20

Va roish nish mee‐viallagh, tra ren surranse‐foddey Yee farkiagh ayns laghyn Noah, choud as va’n arg dy hroggal; ayn‐jee va beggan‐beg, ta shen, hoght anmeenyn, er nyn sauail liorish ushtey.

2 Peddyr 2:3

As trooid saynt nee ad lesh goan cluicagh jannoo merchantys jiu: yn kerraghey oc cha vel nish foddey jeh, as cha vel y deyrey oc saveenagh.

2 Peddyr 2:9

Ec y Chiarn ta fys kys dy livrey yn sleih crauee ass seaghyn, as dy reayll ny mee‐chrauee gys laa ny briwnys dy ve er nyn gerraghey:

2 Peddyr 3:15

As smooinee‐jee dy vel surranse‐foddey nyn Jiarn saualtys; dy jarroo myr ta nyn mraar graihagh Paul myrgeddin, cordail rish y chreenaght er ny choyrt da, er scrieu hiu;

Jude 1:4

Son ta shiartanse dy gheiney dy steetagh er hayrtyn stiagh, nyn gour va’n vriwnys shoh roïe er ny oardaghey; deiney mee‐chrauee, chyndaa grayse yn Jee ain gys rouanys, as gobbal yn ynrycan Chiarn Jee, as nyn Jiarn Yeesey Creest.