Romanee 9:17 - Yn Conaant Noa 1810

¹⁷ Son ta’n scriptyr gra rish Pharaoh, Son yn eer oyr shoh ta mee er dty hroggal seose, dy voddin soilshaghey my phooar aynyds, as by beagh m’ennym’s er ny ockley magh trooid ooilley’n seihll.

Yn Vible Casherick 1775 1819

¹⁷ Son ta’n scriptyr gra rish Pharaoh, Son yn eer oyr shoh ta mee er dty hroggal seose, dy voddin soilshaghey my phooar aynyd’s, as dy beagh m’ennym’s er ny ockley magh trooid ooilley’n seihll.

Romanee 9:17 ပူးပေါင်းရင်းမြစ်များ

Noo Ean 17:26

As ta mee er hoilshaghey daue dt’ennym’s, as nee’m y hoilshaghey eh: dy vod y graih, liorish t’ou er ve graihagh orrym’s, ve ayndoo, as mish ayndoosyn.

Romanee 11:4

Agh cre ta ansoor Yee dy ghra rish? Ta mee er vreayll my chour hene shiaght thousaneyn dy gheiney, nagh vel er lhoobey’n ghlioon gys Baal.

Galatianee 3:22

Agh ta’n scriptyr er ghoaill stiagh ooilley fo peccah, dy voddagh y gialdyn liorish credjue ayns Yeesey Creest ve er ny choyrt dauesyn ta credjal.

Galatianee 3:8

As y scriptyr fakin ro‐laue dy jinnagh Jee seyrey ny Ashoonee trooid credjue, ren preacheil roish nish yn sushtal gys Abraham, gra, Aynyd’s vees dy chooilley ashoon er ny vannaghey.

Galatianee 4:30

Ny‐yeih, cre ta’n scriptyr dy ghra? Tilg magh yn inneyveyl as y mac eck: son cha bee mac yn inney‐veyl ny eirey marish mac y ven‐seyr.