Romanee 9:16 - Yn Conaant Noa 1810

¹⁶ Myr shen eisht cha vel eh jehsyn ta aignagh, ny jehsyn ta roie, agh jeh Jee ta soilshaghey myghin.

Yn Vible Casherick 1775 1819

¹⁶ Myr shen eisht cha vel eh jehsyn ta aignagh, ny jehsyn ta roie, agh jeh Jee ta soilshaghey myghin.

Romanee 9:16 ပူးပေါင်းရင်းမြစ်များ

Noo Mian 11:27

Ta dy chooilley nhee er ny livrey dooys liorish my Ayr: as cha nhione da dooinney erbee yn Mac, agh yn Ayr: chamoo shione da dooinney erbee yn Ayr, agh y Mac, as eshyn da s’gooidsave lesh yn Mac eh y hoilshaghey.

Noo Mian 4:8

Reesht hug y drogh‐spyrryd lesh eh seose er slieau feer ard, as yeeagh eh da ooiley reeriaghtyn y theihll as y ghloyr oc:

Noo Luke 10:21

Ayns yn oor cheddin ghow Yeesey boggey ayns e spyrryd, as dooyrt eh, Ta mee cur booise dhyt, O Ayr, Hiarn niau as thalloo, dy vel oo er cheiltyn ny reddyn shoh vouesyn ta creeney as tushtagh, as dy vel oo er hoilshaghey ad da oikanyn: shen dy jarroo myr te, Ayr, son shen myr ve mie ayns dty hilley’s.

Noo Ean 3:8

Ta’n gheay sheidey raad saillee, as t’ou clashtyn y sheean eck, agh cha s’ayd cre voish t’ee cheet, ny cre’n raad t’ee goll: myr shen ta dy chooilley unnane t’er ny ruggey jeh’n Spyrryd.

Romanee 9:11

(Son roish my daink y chloan er y theihll, chamoo v’ad er n’yannoo mie ny sie, dy voddagh oardagh Yee cordail rish e reih arryltagh shassoo, cha nee liorish obbraghyn, agh veihsyn ta geamagh)

Galatianee 2:2

As hie mee seose myr ve er ny hoilshaghey dou ayns ashlish, as hirveish mee orroosyn yn sushtal shen ta mee dy phreacheil mastey ny Ashoonyn, agh er‐lheh da ny ard‐gheiney, er‐aggle er aght erbee dy roie‐in, ny dy beign er roie ayns fardail.

Ephesianee 2:8

Son liorish grayse ta shiu er nyn sauail, trooid credjue; as shen cha nee j’iu hene: shen gioot Yee eh:

Philippianee 2:13

Son she Jee ta gobbraghey ayndiu, chammah dy smooinaghtyn er, as dy yannoo jeh e aigney mie hene.

Jamys 1:18

Jeh e aigney hene ren eh shinyn y gheddyn, liorish goo ny firrinys, dy voddagh shin ve myr y chied‐vessyn jeh e chretooryn.