Romanee 8:8 - Yn Conaant Noa 1810

⁸ Myr shen eisht cha vod adsyn ta gimmeeaght lurg yn eill, Jee y wooiys.

Yn Vible Casherick 1775 1819

⁸ Myr shen eisht cha vod adsyn ta gimmeeaght lurg yn eill, Jee y wooiys.

Romanee 8:8 ပူးပေါင်းရင်းမြစ်များ

Noo Mian 3:17

As cur‐my‐ner, coraa veih niau gra, Shoh my vac ennoil, jeh ta mee dy mooar soiaghey.

Noo Ean 3:3

Dreggyr Yeesey as dooyrt eh rish, Dy firrinagh firrinagh ta mee gra rhyt, Mannagh bee dooinney er ny ruggey reesht, cha vod eh reeriaght Yee y akin.

Noo Ean 8:29

As ta eshyn t’er my choyrt mârym: cha vel yn Ayr er my aagail my lomarcan: son ta mee dy kinjagh jannoo ny reddyn shen ta dy wooiys eh.

Romanee 1:21

Er‐yn‐oyr tra va toiggal oc dy Yee, cha ren ad eh y ghloyraghey myr Jee, chamoo v’ad booisal, agh haink ad dy ve fardalagh ayns nyn smooinaghtyn; as va’n cree ommijagh oc fo dorraghys.

Romanee 7:5

Son tra va shin ayns yn eill, ren yeearreeyn peccoil va liorish y leigh, gobbraghey ayns nyn oltyn dy ymmyrkey magh mess gys baase.

Romanee 8:9

Agh cha vel shiuish ayns yn eill, agh ayns y Spyrryd, my she shen dy vel Spyrryd Yee baghey ayndiu. Nish mannagh vel ec dooinney erbee Spyrryd Chreest, cha nee leshyn eh.

1 Corinthianee 7:32

Agh baillym shiu ve fegooish imnea. Eshyn nagh vel poost, t’eh imneagh son reddyn y Chiarn, kys oddys eh yn Chiarn y wooiys:

Philippianee 4:18

Agh ta dy liooar aym, as er y phalchey: ta mee jeant magh, neayr’s hooar mee veih Epaphroditus shen hug shiu hym, chebbal dy hoar millish, oural booisal, lheid as nee Jee soiaghey jeh.

Colossianee 1:10

Dy vod shiuish gimmeeaght ayns aght cooie dy wooiys y Chiarn ayns dy chooilley nhee, messoil ayns dagh obbyr vie, as bishaghey ayns tushtey Yee;

Colossianee 3:20

Chloan, cur‐jee biallys da nyn ayr as nyn moir ayns dy chooilley nhee: son ta shoh booisal da’n Chiarn.

1 Thessalonianee 4:1

Ny‐sodjey na shoh, ta shin guee erriu, vraaraghyn, as coyrlaghey shiu liorish yn Chiarn Yeesey, ’naght myr ta shiu er n’ynsaghey voïnyn kys lhisagh shiu nyn mea y ymmyrkey, as Jee y wooiys, myr shen dy jinnagh shiu bishaghey ny smoo as ny smoo.

Hebrewnee 13:16

Agh dy yannoo mie, as dy rheynn [er ny boghtyn], ny jarrood‐jee: son lesh lheid ny ourallyn ta Jee er ny yannoo booiagh.

Hebrewnee 13:21

Shiuish y niartaghey ayns dy chooilley obbyr vie dy yannoo e aigney, gobbraghey ayndiu shen ta booisal ayns e hilley, trooid Yeesey Creest; huggey dy row gloyr son dy bragh as dy bragh. Amen.

1 Ean 3:22

As cre‐erbee ta shin geearree, shen ta shin geddyn veihsyn, er‐y‐fa dy vel shin freayll ny annaghyn echey, as jannoo ny reddyn shen ta booisal ayns e hilley.