Romanee 8:24 - Yn Conaant Noa 1810

²⁴ Son ta shin er nyn sauail lïorish treishteil: agh y treishteil ta er ny akin, cha nee treishteil eh: son cre’n‐fa ta dooinney foast jerkal rish shen t’eh fakin.

Yn Vible Casherick 1775 1819

²⁴ Son ta shin er nyn sauail liorish treishteil: agh y treishteil ta er ny akin, cha nee treishteil eh: son cre’n-fa ta dooinney foast jerkal rish shen t’eh fakin.

Romanee 8:24 ပူးပေါင်းရင်းမြစ်များ

Romanee 12:12

Gennal ayns treishteil; surransagh ayns seaghyn; tannaghtyn kinjagh ayns padjer:

Romanee 15:13

Nish dy jean y Jee dy hreishteil shiuish y lhieeney lesh dy chooilley voggey as shee ayns credjal, dy vod shiu bishaghey ayns treishteil trooid pooar y Spyrryd Noo.

Romanee 15:4

Son cre‐erbee ny reddyn v’er nyn scrieu ’sy traa t’er n’gholl shaghey, v’ad scruit son yn ynsagh ain; trooid meenid as gerjagh ny scriptyryn dy voddagh treishteil ve ain.

Romanee 4:18

Quoi noi treishteil ren credjal ayns treishteil, dy voddagh eh cheet dy ve ayr ymmodee ashoonyn; cordail rish shen ny v’er ny loayrt, Shen myr vees dty luight.

Romanee 5:2

Liorishyn myrgeddin ta shin goit stiagh liorish credjue gys y ghrayse shoh ayn ta shin shassoo, as ta shin goaill boggey ayns treishteil dy ghloyr Yee.

Romanee 8:20

Son va’n cretoor er ny injillaghey gys fardail, cha nee jeh e yioïn, agh kyndagh rishyn ren eh y injillaghey.

1 Corinthianee 13:13

As nish ta ayn ny three grayseyn shoh, credjue, treishteil, as graih; agh yn grayse syrjey jeu shoh graih.

2 Corinthianee 4:18

Choud as ta sooill ain, cha nee er ny reddyn ta ayns fakin, agh er ny reddyn nagh vel ayns fakin: son cha vel ny reddyn t’ayns fakin agh son tammylt; agh ny reddyn nagh vel ayns fakin, t’ad dy bragh farraghtyn.

2 Corinthianee 5:7

(Son ta shin gimmeeaght liorish credjue, cha nee liorish shilley sooilley.)

Galatianee 5:5

Son ta shinyn trooid y Spyrryd farkiaght son y treishteil dy chairys liorish credjue.

Colossianee 1:23

My nee shiu tannaghtyn ’sy chredjue gruntit as shickyrit, as gyn ve scughit ersooyl veih treishteil y tushtal, ta shiu er chlashtyn, as v’er ny phreacheil da dy chooilley chretoor fo niau; jeh shen ta mish Paul pointit dy ve my hirveishagh.

Colossianee 1:27

Dauesyn ve aigney Yee dy hoilshaghey cre ta’n verchys ghloyroil jeh’n folliaght shoh mastey ny Ashoonee; ta shen Creest ayndiuish, yn treishteil dy ghloyr:

Colossianee 1:5

Son y treishteil ta tashtit nyn gour ayns niau, jeh ta shiu roïe er chlashtyn ayns goo firrinys y tushtal;

1 Thessalonianee 5:8

Agh lhig dooinyn ta jeh’n laa, ve sheelt, coyrt orrin yn breast‐plate dy chredjue as graih, as son bayrn‐caggee, yn treishteil dy haultys.

2 Thessalonianee 2:16

Nish dy jean y Chiarn Yeesey Creest hene, as Jee dy jarroo nyn Ayr, t’er ny ve graihagh orrin, as er choyrt dooin gerjagh dy bragh farraghtyn, as treishteil mie, trooid grayse,

Titus 3:7

Er ny heyrey liorish e ghrayse, dy voddagh shin ve jeant nyn eiraghyn cordail rish treishteil yn vea veayn.

Hebrewnee 11:1

Nish ta credjue slane bree ny reddyn ta shin treishteil dy gheddyn, shickyrys reddyn nagh vel [foast] ry akin.

1 Peddyr 1:21

Ta liorishyn credjal ayns Jee, hrog eh seose veih ny merriu, as hug da gloyr, dy voddagh nyn gredjue as nyn dreishteil ve ayns Jee.

1 Peddyr 1:3

Bannit dy row Jee as Ayr nyn Jiarn Yeesey Creest, ta cordail rish e vyghin vooar er n’gheddyn shin reesht gys treishteil bioal, liorish irree‐seose‐reesht Yeesey Creest veih ny merriu.

1 Ean 3:3

As ta dy chooilley ghooinney ta’n treishteil shoh echey ayn hene, glenney eh hene, dy jarroo myr t’eshyn glen.