Romanee 8:19 - Yn Conaant Noa 1810

¹⁹ Son ta jerkal jeean yn chretoor farkiagh son y traa vees cloan Yee er ny hoilshaghey.

Yn Vible Casherick 1775 1819

¹⁹ Son ta jerkal jeean yn chretoor farkiagh son y traa vees cloan Yee er ny hoilshaghey.

Romanee 8:19 ပူးပေါင်းရင်းမြစ်များ

Noo Mian 5:9

Bannit t’adsyn ta tayrn sleih gys shee: son bee ad enmyssit nyn gloan dy Yee.

Noo Ean 1:12

Agh whilleen as ren soiaghey jeh, dauesyn hug eh pooar dy ve nyn mec dy Yee, eer dauesyn ta credjal ayns yn ennym echey:

Jannoo 3:21

Eshyn ta dy ve ayns niau, derrey earishyn lhiassaghey dy chooilley nhee, ta Jee er loayrt liorish beeal ooilley e adeyryn crauee, er‐dy hoshiaght y theihll.

Romanee 8:14

Son whilleen as ta er ny leeideil liorish Spyrryd Yee, t’ad nyn mec dy Yee.

Romanee 8:16

Ta’n Spyrryd hene gymmyrkey feanish lesh y spyrryd ain, dy vel shin nyn gloan dy Yee.

Romanee 8:18

Son ta mee coontey, nagh vel seaghyn y vea shoh feeu dy ve er ny hoyllaghey gys y ghloyr vees er ny hoilshaghey dooinyn.

Romanee 8:23

As cha nee adsyn ny lomarcan, agh shin hene myrgeddin, ainyn ta’n chied‐vess jeh’n Spyrryd, dy jarroo ta shinyn shin hene osnaghey cheu‐sthie j’in hene, farkiagh son y doltanys, ta shen, livrey‐ys nyn gallinyn.

Romanee 9:26

As hig eh gy‐kione, raad ve er ny ghra roo, Cha nee shiuish my phobble; ayns shen bee ad er nyn enmys cloan y Jee bio.

1 Corinthianee 1:7

Myr shen nagh vel shiu cheet er‐gooyl ayns gioot erbee; farkiagh son cheet y Chiarn Yeesey Creest;

1 Corinthianee 1:8

Nee myrgeddin shiuish y niartaghey gys y jerrey, dy vod shiu ve gyn loght ayns laa nyn Jiarn Creest.

2 Corinthianee 6:18

As beem’s my Ayr diuish, as bee shiuish ny mec as as inneenyn aym’s, ta’n Chiarn Ooilley‐niartal dy ghra.

Galatianee 3:26

Son ta shiu ooilley cloan Yee liorish credjue ayns Yeesey Creest.

Philippianee 1:20

Cordail rish my yerkal jeean, as my hreishteil, nagh bee nearey orrym ayns nhee erbee, agh lesh dy chooilley ghunnallys, myr dy kinjagh, myr shen nish myrgeddin dy bee Creest er ny ghloyraghey ayns my chorp, edyr eh ve liorish bioys ny baase.

Colossianee 3:4

Tra vees Creest, ta’n vea ain, er ny hoilshaghey, eisht nee shiuish neesht cheet kionfenish mârishyn ayns gloyr.

Hebrewnee 12:27

As ta’n raa shoh, Foast keayrt elley, cowraghey scughey ny reddyn shen ta er ny chraa, myr reddyn ta jeant [son earish], dy vod ny reddyn shen nagh vod v’er ny chraa tannaghtyn.

1 Peddyr 1:13

Shen‐y‐fa kiartee‐jee seose meeghyn nyn aigney, bee‐jee sheelt, as treisht‐jee gys y jerrey, son y ghrayse vees er ny choyrt diu tra vees Yeesey Creest er ny hoilshaghey;

1 Peddyr 1:7

Dy vod prowal nyn gredjue ta foddey s’costal na airh ta ceau ersooyl, ga er ny hrial lesh aile, ve er ny gheddyn gys moylley, as ooashley, as gloyr ec cheet Yeesey Creest:

1 Ean 3:1

Cur‐my‐ner, cre’n sorch dy ghraih ta’n Ayr er stowal orrin, dy beagh shin enmyssit nyn gloan dy Yee: shen‐y‐fa cha vel enney ec y theihll orrin, er‐y‐fa nagh row enney echey ersyn.

1 Ean 3:2

My chaarjyn, nish ta shin nyn gloan dy Yee, as cha lheear dooin foast cre vees mayd: agh ta fys ain, tra vees eshyn er ny hoilshaghey, dy bee mayd goll rishyn; son nee mayd fakin eh myr t’eh.

Ashlish 21:7

Yiow eshyn ta geddyn y varriaght, eiraght ayns dy chooilley nhee, as beem’s y Jee echeysyn, as bee eshyn yn mac aym’s.