Romanee 8:18 - Yn Conaant Noa 1810

¹⁸ Son ta mee coontey, nagh vel seaghyn y vea shoh feeu dy ve er ny hoyllaghey gys y ghloyr vees er ny hoilshaghey dooinyn.

Yn Vible Casherick 1775 1819

¹⁸ Son ta mee coontey, nagh vel seaghyn y vea shoh feeu dy ve er ny hoylaghey gys y ghloyr vees er ny hoilshaghey dooinyn.

Romanee 8:18 ပူးပေါင်းရင်းမြစ်များ

Jannoo 20:24

Agh cha vel veg jeh ny reddyn shoh dy my agglagh, chamoo ta mee soiaghey jeh my vioys hene, my oddym agh my choorse y chooilleeney lesh boggey, as y chirveish ta er my churrym veih’n Chiarn Yeesey, dy ymmyrkey feanish gys sushtal grayse Yee.

Romanee 8:19

Son ta jerkal jeean yn chretoor farkiagh son y traa vees cloan Yee er ny hoilshaghey.

Colossianee 3:4

Tra vees Creest, ta’n vea ain, er ny hoilshaghey, eisht nee shiuish neesht cheet kionfenish mârishyn ayns gloyr.

2 Thessalonianee 2:14

Huggey deïe eh erriu liorish y sushtal ainyn, gys cosney gloyr nyn Jiarn Yeesey Creest.

Titus 2:13

Farkiagh son y treishteil bannit shen, as cheet gloyroil yn Jee mooar, as nyn Saualtagh Yeesey Creest:

Hebrewnee 11:35

Hooar mraane nyn merriu troggit gys bioys reesht: as feallagh elley v’er nyn dorchaghey, gyn jannoo soiagh jeh livrey‐ys; dy voddagh ad irree‐seose‐reesht share y chosney.

1 Peddyr 1:13

Shen‐y‐fa kiartee‐jee seose meeghyn nyn aigney, bee‐jee sheelt, as treisht‐jee gys y jerrey, son y ghrayse vees er ny choyrt diu tra vees Yeesey Creest er ny hoilshaghey;

1 Peddyr 4:13

Agh gow‐jee boggey, ayns wheesh as dy vel shiu goaill ayrn jeh surranseyn Chreest; tra vees y ghloyr echeysyn er ny hoilshageey, dy vod shiuish ve gennal myrgeddin lesh boggey erskyn earroo.

1 Peddyr 5:1

Ny shanstyryn ta ny mast’ eu ta mee coyrlaghey, ta mee hene myrgeddin my hanstyr, as feanish jeh surranseyn Chreest, as myrgeddin parteeas jeh’n ghloyr vees er ny hoilshaghey:

1 Ean 3:2

My chaarjyn, nish ta shin nyn gloan dy Yee, as cha lheear dooin foast cre vees mayd: agh ta fys ain, tra vees eshyn er ny hoilshaghey, dy bee mayd goll rishyn; son nee mayd fakin eh myr t’eh.