Romanee 8:17 - Yn Conaant Noa 1810

¹⁷ As my she cloan shin, eisht eiraghyn; eiraghyn dy Yee, as co‐eiraghyn marish Creest: my she shen dy vel shin surranse mârishyn, dy vod mayd myrgeddin ve cooidjagh er nyn ghloyraghey.

Yn Vible Casherick 1775 1819

¹⁷ As my she cloan shin, eisht eiraghyn; eiraghyn dy Yee, as co-eiraghyn marish Creest: my she shen dy vel shin surranse mârishyn, dy vod mayd myrgeddin ve cooidjagh er nyn ghloyraghey.

Romanee 8:17 ပူးပေါင်းရင်းမြစ်များ

Noo Mian 16:24

Eisht dooyrt Yeesey rish e ostyllyn, My ta dooinney erbee aggindagh geiyrt orrym’s, lhig da eh hene y obbal, as e chrosh y hroggal, as geiyrt orrym.

Noo Mian 25:21

Dooyrt e hiarn rish, S’mie t’ou er n’yannoo, harvaant vie as firrinagh; t’ou er ny ve firrinagh ayns y veggan, livrey‐yms mooarane gys dty churrym: immee uss stiagh gys boggey dty hiarn.

Noo Luke 12:32

Ny gow‐jee aggle my hioltane veg; son she aigney‐mie nyn Ayr eh; dy chur diuish yn reeriaght.

Noo Luke 24:26

Nagh beign da Creest ny reddyn shoh y hurranse as goll stiagh ayns e ghloyr?

Noo Ean 17:24

Ayr, ta mee geearree adsyn t’ou er chur dou dy ve mârym raad ta mee; dy vod ad fakin my ghloyr t’ou er chur dou: son t’ou er ve graihagh orrym’s roish my row yn seihll er ny chroo.

Jannoo 14:22

Niartaghey anmeenyn ny Creesteenyn, as coyrlaghey ad dy hannaghtyn ayns y chredjue, as dy nhegin dooin trooid ymmodee seaghyn goll stiagh ayns reeriaght Yee.

Jannoo 20:32

As nish, vraaraghyn, ta mee chymney shiu gys Jee, as gys goo e ghrayse, ta abyl nyn droggal shiu seose, as eiraght y chur diu nyn mast’ ocsyn ooilley ta er nyn gasherickey.

Jannoo 26:18

Dy osley nyn sooillyn, as dy hyndaa ad veih dorraghys gys soilshey, as veih pooar Noid‐ny‐hanmey gys Jee, dy vod ad leih peccaghyn y gheddyn, as eiraght nyn mast’ ocsyn t’er nyn gasherickey liorish y credjue ta aynym’s.

Romanee 5:17

Son my she liorish peccah un dooinney, ta baase reill trooid un er; foddey smoo nee adsyn t’er gheddyn slane towse dy ghrayse, as jeh’n ghioot dy chairys, reill ayns bea liorish un er, Yeesey Creest.

Romanee 8:3

Son shen nagh voddagh y leigh y yannoo, trooid annooinid ny foalley, ren Jee liorish coyrt e Vac hene, ayns caslys feill peccoil, as son peccah, peccah y gheyrey ayns yn eill:

1 Corinthianee 2:9

Agh myr te scruit, Cha vel sooill er vakin, ny cleaysh er chlashtyn, chamoo te ayns cree dooinney dy hoiggal ny reddyn ta Jee er chiarail er ny son ocsyn ta graihagh ersyn.

2 Corinthianee 1:5

Son myr ta ny surranseyn ain son Creest bishaghey orrin, myr shen myrgeddin ta’n gerjagh ain bishaghey orrin veih Creest.

2 Corinthianee 1:7

As ta treishteil shickyr ain jiuish, toiggal myr ta ayrn eu jeh’n surranse, dy bee eu myrgeddin jeh’n gherjagh.

Galatianee 3:29

As my she lesh Creest shiu, eisht ta shiu sluight Abraham, as eiraghyn cordail rish y ghialdyn.

Galatianee 4:7

Shen‐y‐fa cha vel oo nish ny sodjey dty harvaant, agh mac; as my she mac oo, eisht t’ou eirey dy Yee trooid Creest.

Ephesianee 3:6

Dy row ny Ashoonyn‐quaagh dy ve co‐eiraghyn, as jeh’n un chorp, as dy ghoaill ayrn cooidjagh jeh e ghialdyn ayns Creest, liorish y sushtal:

Philippianee 1:29

Son diuish te er ny choyrt ass lieh Chreest, cha nee ny‐lomarcan dy chredjal ayn, agh myrgeddin dy hurranse er y ghraih echey;

Philippianee 3:10

Dy vod enney ’ve aym ersyn, as toiggal pooar yn irree‐seose reesht echey, as yn ayrn t’aym’s ayns e hurranse, dy ve er my yannoo casley rishyn ayns e vaase;

Colossianee 1:24

Ta nish goaill boggey ayns my hurranse er nyn son, as lhieeney seose shen ny ta er‐gooyl jeh seaghyn Chreest ayns my eill, er graih yn chorp echeysyn, ta shen yn agglish:

Titus 3:7

Er ny heyrey liorish e ghrayse, dy voddagh shin ve jeant nyn eiraghyn cordail rish treishteil yn vea veayn.

Hebrewnee 1:14

Nagh nee spyrrydyn shirveishagh ad ooilley er nyn goyrt magh dy hirveish orroosyn vees eiraghyn dy haualtys?

Hebrewnee 1:2

T’eh ayns ny laghyn s’jerree shoh er loayrt rooin liorish e Vac, eh t’eh er phonteil ny eirey er dy chooilley nhee, liorish myrgeddin chroo eh ny seihllyn.

Hebrewnee 6:17

Shen‐y‐fa myr va Jee booiagh er yn aght s’troshey dy hoilshaghey da eiraghyn y ghialdyn shickyrys gyn‐caghlaa e aigney, ren eh shoh y niartaghey lesh loo:

Jamys 2:5

Toig‐jee, my vraaraghyn ghraihagh, Nagh vel Jee er reih boghtyn y theihll shoh, berchagh ayns credjue, as eiraghyn y reeriaght t’eh er ghialdyn dauesyn ta graihagh er?

1 Peddyr 1:4

Gys eiraght shickyr as casherick, as nagh vel lheïe ersooyl, kiarit ayns niau nyn gour euish.

1 Peddyr 4:13

Agh gow‐jee boggey, ayns wheesh as dy vel shiu goaill ayrn jeh surranseyn Chreest; tra vees y ghloyr echeysyn er ny hoilshageey, dy vod shiuish ve gennal myrgeddin lesh boggey erskyn earroo.

Ashlish 21:7

Yiow eshyn ta geddyn y varriaght, eiraght ayns dy chooilley nhee, as beem’s y Jee echeysyn, as bee eshyn yn mac aym’s.

Ashlish 3:21

Dasyn ta geddyn y varriaght low‐yms dy hoie mârym er my stoyl‐reeoil, myr hooar mish myrgeddin yn varriaght, as ta mee er hoie sheese marish my Ayr er y stoyl‐reeoil echeysyn.