Romanee 8:16 - Yn Conaant Noa 1810

¹⁶ Ta’n Spyrryd hene gymmyrkey feanish lesh y spyrryd ain, dy vel shin nyn gloan dy Yee.

Yn Vible Casherick 1775 1819

¹⁶ Ta’n Spyrryd hene gymmyrkey feanish lesh y spyrryd ain, dy vel shin nyn gloan dy Yee.

Romanee 8:16 ပူးပေါင်းရင်းမြစ်များ

Noo Mian 5:9

Bannit t’adsyn ta tayrn sleih gys shee: son bee ad enmyssit nyn gloan dy Yee.

Noo Luke 20:36

Chamoo oddys ad baase y gheddyn arragh; son t’ad corrym rish ny ainleyn, as nyn gloan dy Yee, liorish dy vel ad cloan yn irree‐seose‐reesht.

Noo Ean 1:12

Agh whilleen as ren soiaghey jeh, dauesyn hug eh pooar dy ve nyn mec dy Yee, eer dauesyn ta credjal ayns yn ennym echey:

Jannoo 5:32

As ta shinyn ny feanishyn echey jeh ny ta shin dy insh diu, as myrgeddin yn Spyrryd Noo, ta Jee er choyrt dauesyn ta ayns biallys da.

Romanee 8:14

Son whilleen as ta er ny leeideil liorish Spyrryd Yee, t’ad nyn mec dy Yee.

Romanee 8:19

Son ta jerkal jeean yn chretoor farkiagh son y traa vees cloan Yee er ny hoilshaghey.

Romanee 8:23

As cha nee adsyn ny lomarcan, agh shin hene myrgeddin, ainyn ta’n chied‐vess jeh’n Spyrryd, dy jarroo ta shinyn shin hene osnaghey cheu‐sthie j’in hene, farkiagh son y doltanys, ta shen, livrey‐ys nyn gallinyn.

Romanee 8:26

Ta’n Spyrryd hene myrgeddin niartaghey lesh ny annooinidyn ain: son cha vel fys ain cre ta shin dy ghuee er y hon myr lhisagh shin: agh ta’n Spyrryd cheddin jannoo accan er nyn son lesh osnaghyn nagh vod glare soilshaghey.

Romanee 9:26

As hig eh gy‐kione, raad ve er ny ghra roo, Cha nee shiuish my phobble; ayns shen bee ad er nyn enmys cloan y Jee bio.

Romanee 9:8

Ta shen, Adsyn ta nyn gloan jeh’n eill, cha vel ad shoh nyn gloan dy Yee, agh ta cloan yn ghialdynys goit son y sluight.

2 Corinthianee 1:12

Son shoh nyn moggey, feanish nyn gooinsheanse, ayns ônid, as ynrickys crauee, cha nee lesh creenaght seihltagh, agh liorish grayse Yee, dy vel shin er n’ymmyrkey shin hene ’sy theihll, as foddey smoo ny mast’ euish.

2 Corinthianee 1:22

Ta myrgeddin er sealal shin, as ta coyrt dooin eearlys y Spyrryd ayns nyn greeaghyn.

2 Corinthianee 5:5

Nish eshyn t’er chroo shin son yn eer red shoh, she Jee eh, ta myrgeddin er chur dooin eearlys y Spyrryd.

2 Corinthianee 6:18

As beem’s my Ayr diuish, as bee shiuish ny mec as as inneenyn aym’s, ta’n Chiarn Ooilley‐niartal dy ghra.

Galatianee 3:26

Son ta shiu ooilley cloan Yee liorish credjue ayns Yeesey Creest.

Galatianee 4:6

As er‐y‐fa dy nee mec shiu, ta Jee er choyrt Spyrryd e Vac ayns ny creeaghyn eu, geamagh, Abba, Ayr.

Ephesianee 1:13

Aynsyn ren shiuish myrgeddin treishteil, lurg diu v’er chlashtyn goo yn irriney, sushtal y taualtys eu: aynsyn myrgeddin erreish diu v’er chredjal, va shiu er nyn gowraghey lesh y Spyrryd casherick shen dy ghialdynys,

Ephesianee 4:30

As ny cur‐jee corree er Spyrryd casherick Yee, liorish ta shiu cowrit gys laa yn livrey‐ys eu.

1 Ean 3:1

Cur‐my‐ner, cre’n sorch dy ghraih ta’n Ayr er stowal orrin, dy beagh shin enmyssit nyn gloan dy Yee: shen‐y‐fa cha vel enney ec y theihll orrin, er‐y‐fa nagh row enney echey ersyn.

1 Ean 3:10

Liorish shoh ta cloan Yee er nyn gronnaghey voish cloan y drogh‐spyrryd: Quoi‐erbee nagh vel jannoo cairys, cha vel eh jeh Jee, ny foast eshyn nagh nhynney lesh e vraar.

1 Ean 3:2

My chaarjyn, nish ta shin nyn gloan dy Yee, as cha lheear dooin foast cre vees mayd: agh ta fys ain, tra vees eshyn er ny hoilshaghey, dy bee mayd goll rishyn; son nee mayd fakin eh myr t’eh.

1 Ean 4:13

Liorish shoh ta fys ain dy vel shin tannaghtyn aynsyn, as eshyn aynin, er‐yn‐oyr dy vel eh er choyrt dooinyn jeh’n Spyrryd echey.

1 Ean 5:10

Eshyn ta credjal ayns Mac Yee, ta’n feanish echey ayn hene: eshyn nagh vel credjal Jee, t’eh er n’yannoo eh ny vreagerey; er‐yn‐oyr nagh vel eh credjal yn recortys ta Jee er n’ymmyrkey jeh e Vac.

Ashlish 21:7

Yiow eshyn ta geddyn y varriaght, eiraght ayns dy chooilley nhee, as beem’s y Jee echeysyn, as bee eshyn yn mac aym’s.