Romanee 8:13 - Yn Conaant Noa 1810

¹³ Son my ta shiu beaghey lurg yn eill, yiow shiu baase: agh my ta shiu trooid y Spyrryd cur naardey obbraghyn y challin, bee shiu bio.

Yn Vible Casherick 1775 1819

¹³ Son my ta shiu baghey lurg yn eill, yiow shiu baase: agh my ta shiu trooid y Spyrryd cur naardey obbraghyn y challin, bee shiu bio.

Romanee 8:13 ပူးပေါင်းရင်းမြစ်များ

Romanee 6:21

Cre’n mess v’eu eisht ayns ny reddyn shen jeu ta shiu nish goaill nearey? son ta jerrey ny reddyn shen baase.

Romanee 6:23

Son she faill peccah yn baase: agh she gioot Yee yn vea dy bragh beayn, trooid Yeesey Creest nyn Jiarn.

Romanee 7:5

Son tra va shin ayns yn eill, ren yeearreeyn peccoil va liorish y leigh, gobbraghey ayns nyn oltyn dy ymmyrkey magh mess gys baase.

Romanee 8:12

Shen‐y‐fa, vraaraghyn, ta shin jatteryn, cha nee da’n eill, dy veaghey lurg yn eill:

1 Corinthianee 9:27

Agh ta mee freayll my chorp fo, as dy smaghtaghey eh; er‐aggle liorish aght erbee, erreish dooys v’er breacheil da feallagh elley, dy beign’s mee hene tilgit jeh.

Galatianee 5:24

As adsyn ta lesh Creest, ta’d er chrossey yn eill, marish ny yeearreeyn as ny sayntyn.

Galatianee 6:8

Son eshyn ta cuirr gys yn eill, nee jeh’n eill myrgeddin buinn loauys: agh eshyn ta cuirr gys y Spyrryd, nee jeh’n Spyrryd buinn yn vea dy bragh farraghtyn.

Ephesianee 4:22

Mychione yn ymmyrkey‐bea eu t’er n’gholl shaghey, dy der shiu jeh yn chenn ghooinney, ta neu‐ghlen cordail rish yeearreeyn molteyragh ny foalley.

Ephesianee 4:30

As ny cur‐jee corree er Spyrryd casherick Yee, liorish ta shiu cowrit gys laa yn livrey‐ys eu.

Ephesianee 5:18

As ny bee‐jee er meshtey lesh feeyn, ayn ta neu‐heeltys; agh bee‐jee er nyn lhieeney lesh y Spyrryd;

Titus 2:12

Gynsaghey dooin, liorish, gobbal mee‐chraueeaght as yeearreeyn seihlltagh, dy lhisagh shin beaghey dy sheelt, dy cairal, as dy crauee ayns y theihll shoh;

1 Peddyr 1:22

Fakin dy vel shiu er chasherickey nyn anmeenyn ayns cur biallys da’n irriney trooid y Spyrryd, gys graih firrinagh jeh ny braaraghyn; jeeagh dy bee‐jee dy jeean graihagh yn derrey yeh er y jeh elley lesh cree glen:

1 Peddyr 2:11

Chaarjyn ghraihagh, ta mee guee erriu myr joarreeyn as troailtee dy reayll shiu hene veih sayntyn ny foalley, ta caggey noi yn annym;