Romanee 8:10 - Yn Conaant Noa 1810

¹⁰ As my ta Creest ayndiu, ta’n corp marroo, kyndagh rish peccah; agh ta’n spyrryd bea, liorish cairys.

Yn Vible Casherick 1775 1819

¹⁰ As my ta Creest ayndiu, ta’n corp marroo, kyndagh rish peccah; agh ta’n spyrryd bea, liorish cairys.

Romanee 8:10 ပူးပေါင်းရင်းမြစ်များ

Noo Ean 14:23

Dreggyr Yeesey as dooyrt eh rish, My ta dooinney graihagh orrym, freillee eh my ghoan: as ver my Ayr graih da, as hig mayd huggey, as nee mayd tannaghtyn mârish.

Noo Ean 15:5

Mish y billey‐feeyney, shiuish ny banglaneyn: eshyn ta tannaghtyn aynym’s, as mish aynsyn, t’eh shoh cur magh mooarane mess: son scarrit voym’s cha vod shiu jannoo monney dy vie.

Noo Ean 17:23

Mish ayndoosyn, as uss aynym’s, dy vod ad ve jeant slane firrinagh ayns unnaneys, as dy vod fys ve ec y seihll dy vel oo er my choyrt, as dy vel oo er ve graihagh orroosyn, myr t’ou er ve graihagh orrym’s.

Noo Ean 4:14

Agh quoi‐erbee iu‐ys jeh’n ushtey ver‐yms da, cha bee eh dy bragh paagh: agh bee yn ushtey ver‐ym da ny farrane ushtey ayn nee geill gys y vea ta dy bragh farraghtyn.

Noo Ean 6:54

Eshyn ta gee my eill, as giu my uill, ta’n vea veayn echey, as trog‐yms seose eh ec y laa jerrinagh.

Noo Ean 6:56

Eshyn ta gee my eill as giu my uill, t’eh baghey aynym’s, as mish aynsyn.

Romanee 5:12

Shen‐y‐fa, myr liorish un dooinney haink peccah stiagh ’sy theihll, as baase, liorish peccah; as myr shen jimmee’n baase er dy chooilley ghooinney, son dy vel ooilley er n’yannoo peccah.

Romanee 5:21

’Naght myr ta peccah er reill gys baase, eer myr shen dy voddagh grayse reill trooid cairys gys y vea ta dy bragh farraghtyn, liorish Yeesey Creest nyn Jiarn.

Romanee 8:11

Agh my ta’n Spyrryd echeysyn hrog seose Yeesey veih ny merriu, baghey ayndiu; nee eshyn hrog Creest veih ny merriu, ny kirp marvaanagh euish myrgeddin y vioghey, liorish e Spyrryd ta cummal ayndiu.

1 Corinthianee 15:45

As myr shen te scruit, Va’n chied dooinney Adam jeant ny annym bio, va’n Adam s’jerree jeant ny Spyrryd ta choyrt bioys.

2 Corinthianee 13:5

Feysht‐jee shiu hene, vel shiu ayns y chredjue; prow‐jee shiu hene: nagh vel fys euish shiu hene, dy vel Yeesey Creest ayndiu; mannagh vel, ta shiu mee‐lowit?

2 Corinthianee 4:11

Son ta shinyn ta bio, dy kinjagh er nyn livrey gys baase er graih Yeesey, dy voddagh bioys Yeesey ve myrgeddin jeant cronnal ayns yn eill marvaanagh ainyn.

2 Corinthianee 5:21

Son hug eh ersyn va seyr veih peccah, dy ve oural er nyn son; dy voddagh shinyn v’er nyn seyrey liorish Jee aynsyn.

Galatianee 2:20

Ta mee er my chrossey marish Creest: Ny‐yeih ta mee bio; foast cha nee mish, agh Creest ta bio aynym: as y vea ta mee nish dy veaghey ’syn eill, ta mee beaghey liorish credjue Mac Yee, va graih echey orrym, as ren eh‐hene y choyrt er my hon.

Ephesianee 3:17

Dy vod Creest baghey ayns ny creeaghyn eu liorish credjue; dy vod shiuish liorish ve fraueit es gruntit ayns graih.

Philippianee 1:23

Son ta mee ayns chennid eddyr jees, aggindagh dy gholl roym, as dy ve marish Creest; ta foddey share:

Philippianee 3:9

As ve er my gheddyn aynsyn, cha nee shassoo er my chairys hene, ta liorish y leigh, agh er shen ta liorish credjue ayns Creest, yn chairys shen ta veih Jee liorish credjue:

Colossianee 1:27

Dauesyn ve aigney Yee dy hoilshaghey cre ta’n verchys ghloyroil jeh’n folliaght shoh mastey ny Ashoonee; ta shen Creest ayndiuish, yn treishteil dy ghloyr:

1 Thessalonianee 4:16

Son hig y Chiarn neose veih niau lesh eam ard, lesh coraa yn ard‐ainle, as lesh cayrn Yee: as nee ny merriu ayns Creest girree hoshiaght.

Hebrewnee 12:23

Gys y slane chaglym‐cooidjagh as agglish ny chied nooghyn, ta recortyssit ayns niau, as gys Jee yn briw harrish ooilley, as gys spyrrydyn deiney mie ayns flaunys,

Hebrewnee 9:27

As ’naght myr te er ny phointeil da deiney dy gheddyn baase un cheayrt, agh lurg shoh yn vriwnys:

Ashlish 14:13

As cheayll mee coraa veih niau, gra rhym, Scrieu, Veih shoh magh, bannit ta ny merriu ta geddyn baase ayns y Chiarn: Dy jarroo myr shen ta’n Spyrryd dy ghra, son t’ad ec fea veih nyn seaghyn; as ta nyn obbraghyn geiyrt daue.