Romanee 7:9 - Yn Conaant Noa 1810

⁹ Son va mish dy jarroo bio un cheayrt fegooish y leigh; agh tra haink yn anney, vio‐ee peccah, as va mish marroo.

Yn Vible Casherick 1775 1819

⁹ Son va mish dy jarroo bio un cheayrt fegooish y leigh; agh tra haink yn anney, vio-ee peccah, as va mish marroo.

Romanee 7:9 ပူးပေါင်းရင်းမြစ်များ

Noo Mian 19:20

Dooyrt y dooinney aeg rish, Ooilley ny annaghyn shoh ta mee er vreayll veih aegid: cre sodjey t’orrym dy yannoo?

Noo Luke 15:29

As dreggyr eshyn, as dooyrt eh rish e ayr, Cur‐my‐ner, ta mish rish whilleen bleïn shen ayns dty hirveish, chamoo ren mee rieau noi dty aigney, as foast cha dug oo dou rieau wheesh mannan, dy yannoo gien marish my gheiney‐mooinjerey:

Noo Luke 18:21

As dooyrt eh, Ooilley shoh ta mee er vreayl veih my aegid.

Romanee 10:5

Son ta Moses soiaghey roïn yn chairys ta liorish y leigh, Dy bee yn dooinney ta cooilleeney ny reddyn shen, bio lioroo.

Romanee 7:10

As yn anney v’er ny oardaghey son bioys, hooar mee dy ve baase.

Romanee 7:11

Son peccah goaill vondeish liorish yn anney, ren m’y volley, as liorish ren eh m’y varroo.

Romanee 7:4

Shen‐y‐fa, my vraaraghyn, ta shiuish myrgeddin marroo gys y leigh liorish corp Chreest; dy voddagh shiu ve poost rish fer elley, dy jarroo rishyn ta troggit veih ny merriu, dy voddagh shin mess y ymmyrkey magh da Jee.

Romanee 7:6

Agh nish ta shin livreit veih’n leigh, marroo gys shen fo va shin freilt; dy voddagh shin shirveish ayns spyrryd noa, as cha nee ayns y chenn letter.

Romanee 7:8

Agh peccah goaill vondeish liorish yn anney, ren gobbraghey aynym dy chooilley haynt. Son fegooish y leigh ta peccah marroo.

Romanee 8:7

Er‐yn‐oyr dy vel yeearree ny foalley noidys rish Jee: son cha vel eh fo reill leigh Yee, chamoo dy jarroo oddys eh ve.

Galatianee 2:19

Son ta mish trooid y leigh marroo gys y leigh, dy voddym ve bio gys Jee.

Galatianee 3:10

Son whilleen as ta jeh obbraghyn y leigh, t’ad fo’n mollaght: son te scruit, Cursit ta dagh unnane nagh vel tannaghtyn ayns dy chooilley nhee ta scruit ayns lioar y leigh dy yannoo ad.