Romanee 7:7 - Yn Conaant Noa 1810

⁷ Cre jir mayd eisht? vel y leigh peccah? ny lhig eh Jee. Dy jarroo, cha row fys er ve aym cre va peccah, agh liorish y leigh: son cha row fys er ve aym cre va saynt, er‐be dy dooyrt y leigh, Cha der oo saynt.

Yn Vible Casherick 1775 1819

⁷ Cre jir mayd eisht? vel y leigh peccah? ny lhig eh Jee. Dy jarroo, cha row fys er ve aym cre va peccah, agh liorish y leigh: son cha row fys er ve aym cre va saynt, er-be dy dooyrt y leigh, Cha der oo saynt.

Romanee 7:7 ပူးပေါင်းရင်းမြစ်များ

Noo Mian 5:28

Agh ta mish gra riu, Quoi‐erbee ta jeeaghyn er ben, dy chur saynt j’ee, dy vel eh er vrishey poosey r’ee hannah ayns e chree.

Noo Luke 12:15

As dooyrt eh roo, Gow‐jee tastey, as cur‐jee twoaie jeh saynt: son cha vel maynrys bea yn dooinney lhie ayns mooarane e chooid‐seihlt.

Noo Luke 20:16

Hig eh as stroie‐ee eh ny eirinnee shoh, as ver eh yn garey‐feeyney da feallagh elley. As tra cheayll ad shen, dooyrt ad, Nar lhig eh Jee.

Jannoo 20:33

Cha vel mee er chur saynt da argid, ny airh, ny cooid ghooinney erbee.

Romanee 13:9

Son shoh t’er ny ghra, Cha brish oo poosey, Cha jean oo dunverys, Cha jean oo geid, Cha n’ymmyrk oo feanish foalsey, Cha der oo saynt; as my ta anney erbee elley, te ayns focklyn giarey goit stiagh fo’n raa shoh, ta shen, Ver oo graih da dty naboo myr dhyt hene.

Romanee 3:20

Shen‐y‐fa liorish obbraghyn y leigh cha bee dooinney erbee er ny heyrey ayns e hilley: son liorish y leigh ta toiggal ain jeh peccah.

Romanee 3:5

Agh myr ta’n neu‐ynrickys ainyn soilshaghey magh ynrickys Yee, cre jir mayd? Vel Jee neu‐chairagh ta goaill kerraghey? (ta mee loayrt myr dooinney)

Romanee 4:1

Cre jir mayd eisht dy vel Abraham nyn Ayr er chosney liorish leigh ny foalley?

Romanee 4:15

Son ta’n leigh gobbraghey jymmoose: son raad nagh vel leigh, cha vod eh ve er ny vrishey.

Romanee 5:20

Agh haink y leigh stiagh, dy voddagh loght ve ny s’cronnal: agh raad vishee peccah, ren grayse bishaghey foddey smoo:

Romanee 6:15

Cre eisht? der mayd rish peccah, er‐yn‐oyr nagh vel shin fo’n leigh, agh fo grayse? ny lhig eh Jee.

Romanee 7:11

Son peccah goaill vondeish liorish yn anney, ren m’y volley, as liorish ren eh m’y varroo.

Romanee 7:13

Vel shen eisht va mie, er jeet dy ve baase dou? Ny lhig eh Jee. Agh peccah, dy voddagh eh ve soilshit dy ve peccah, gobbraghey baase aynym’s liorish shen ta mie; dy voddagh peccah liorish yn anney cheet dy ve erskyn towse peccoil.

Romanee 7:5

Son tra va shin ayns yn eill, ren yeearreeyn peccoil va liorish y leigh, gobbraghey ayns nyn oltyn dy ymmyrkey magh mess gys baase.

Romanee 7:8

Agh peccah goaill vondeish liorish yn anney, ren gobbraghey aynym dy chooilley haynt. Son fegooish y leigh ta peccah marroo.

1 Corinthianee 15:56

Gah yn vaaish she peccah eh; as niart peccah yn leigh eh.

Ephesianee 5:3

Agh maarderys, as dy chooilley neu‐ghlennid, as saynt, ny lhig daue ve wheesh as enmyssit ny vud eu, myr te cooie da nooghyn:

Colossianee 3:5

Smaghtee‐jee er‐y‐fa shen ny oltyn thallooinagh eu; maarderys, neu‐ghlennid, yeearree neu‐chooie, drogh vian, as saynt seihltagh, ta dy chur ammys da jallooyn:

1 Thessalonianee 4:5

Cha nee ayns mian saynt ny foalley, goll‐rish eer ny Ashoonyn‐quaagh nagh vel tushtey oc dy Yee;

Hebrewnee 7:19

Son cha ren y leigh nhee erbee slane ynrick, agh ve fosley raad gys treishteil share; liorish ta shin tayrn er‐gerrey gys Jee.