Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Romanee 7:4 - Yn Conaant Noa 1810

4 Shen‐y‐fa, my vraaraghyn, ta shiuish myrgeddin marroo gys y leigh liorish corp Chreest; dy voddagh shiu ve poost rish fer elley, dy jarroo rishyn ta troggit veih ny merriu, dy voddagh shin mess y ymmyrkey magh da Jee.

အခန်းကိုကြည့်ပါ။ ကော်ပီ

Yn Vible Casherick 1775 1819

4 Shen-y-fa, my vraaraghyn, ta shiuish myrgeddin marroo gys y leigh liorish corp Chreest; dy voddagh shiu ve poost rish fer elley, dy jarroo rishyn ta troggit veih ny merriu, dy voddagh shin mess y ymmyrkey magh da Jee.

အခန်းကိုကြည့်ပါ။ ကော်ပီ




Romanee 7:4
35 ပူးပေါင်းရင်းမြစ်များ  

As myr v’ad gee, ghow Yeesey arran, as vannee eh as vrish eh eh, as hug eh eh da ny ostyllyn, gra, Gow‐jee, ee‐jee shoh my chorp’s.


As ad shoh yn vooinjer ta cuirt ayns thalloo mie, lheid as ta clashtyn y goo, as ta dy ghoaill eh, as gymmyrkey magh mess, paart jeih fillaghyn as feed, paart three‐feed, as paart keead‐filley.


Liorish shoh ta my Ayr er ny ghloyraghey, shiu dy chur magh lane mess, as shoh myr vees shiu ny ynseydee aym’s.


Eshyn dooinney yn phoosee ta ben y phoosey echey: agh ta carrey dooinney yn phoosee, ta ny hassoo as geaishtagh rish, goaill boggey mooar jeh coraa yn dooinney poosee: ta shoh my voggey’s er‐y‐fa shen jeant magh.


Mish yn arran bio, haink neose veih niau: my ee‐ys dooinney erbee jeh’n arran shoh, bee eh bio son dy bragh: as yn arran neem’s y choyrt, she my eill eh, ver‐yms son bioys y theihll.


Ayns yn aght cheddin jeeagh‐jee shiuish neesht erriu hene dy ve marroo dy jarroo gys peccah; agh bio gys Jee, trooid Yeesey Creest nyn Jiarn.


Son cha bee pooar ec peccah harrishdiu: son cha vel shiu fo’n leigh, agh fo grayse.


Ny lhig eh Jee: kys oddys shinyn ta marroo gys peccah, beaghey ny sodjey ayn?


Agh nish myr ta shiu er nyn seyrey veih peccah, as er jeet dy ve nyn sharvaantyn dy Yee, ta eu nyn mess gys casherickys, as y jerrey echey yn vea dy bragh farraghtyn.


Myr shen eisht my vees ee, choud as ta’n sheshey eck bio, poost rish dooinney elley, bee ee kyndagh jeh brishey‐poosey: agh my ta’n sheshey eck marroo, t’ee feayshlit veih’n leigh shen; myr shen cha vel ee brishey‐poosey, ga dy bee ee poost rish dooinney elley.


Agh nish ta shin livreit veih’n leigh, marroo gys shen fo va shin freilt; dy voddagh shin shirveish ayns spyrryd noa, as cha nee ayns y chenn letter.


Son ta leigh Spyrryd y vea, ayns Creest Yeesey, er n’yannoo mee seyr veih leigh peccah as baase.


Yn cappan dy vannaght ta shin dy oltaghey, nagh nee shoh dy ghoaill ayrn jeh fuill Chreest? Yn arran ta shin dy vrishey, nagh nee shoh dy ghoaill ayrn jeh corp Chreest?


Son ta mee eadolagh harrishdiu lesh eadolys chrauee: son ta mee er nastey shiu rish un heshey, dy voddym shiu y hebbal myr moidyn ghlen da Creest.


Ta Creest er livrey shin veih mollaght y leigh, eh hene jeant ny vollaght er nyn son: son te scruit Cursit ta dagh unnane ta croghey er billey:


Agh my ta shiu er nyn leeideil liorish y Spyrryd, cha vel shiu fo’n leigh.


Coyrt naardey ayns yn eill echey hene yn noidys, dy jarroo leigh ny saraghyn, va shassoo ayns oardaghyn, son dy yannoo ayn hene jeh jees, un dooinney noa, myr shen jannoo shee;


Lhieent lesh ny messyn dy chairys, ta liorish Yeesey Chreest, gys gloyr as moylley Yee.


Cha nee dy vel mee shirrey gioot: agh ta mee geearree mess oddys bishaghey gys y vondeish euish.


Dy vod shiuish gimmeeaght ayns aght cooie dy wooiys y Chiarn ayns dy chooilley nhee, messoil ayns dagh obbyr vie, as bishaghey ayns tushtey Yee;


Ayns corp yn eill echey trooid baase, dy hebbal shiu casherick as fegooish foill, as neu‐chyndagh ayns e hilley:


Ta er roshtyn hiuish, myr te gys ooilley yn seihll, as gymmyrkey mess, myr te myrgeddin, ayndiuish, er‐dyn laa cheayll shiu jeh, as hoig shiu grayse Yee ayns firrinys.


Crossey yn laue scrieuee dy oardaghyn, hass ’sy raad roïn as va nyn ’oï, as ghow eh eh ersooyl dy bollagh, treiney eh gys e chrosh:


Shen‐y‐fa, my ta shiu marroo marish Creest veih ynsagh annoon y theihll; cre’n‐fa, myr beaghey ’sy theihll, ta shiu fo reill oardaghyn:


Liorish yn aigney cheddin ta shin er nyn gasherickey, liorish yn oural jeh corp Yeesey Creest un cheayrt son ooilley.


Eshyn ren ny peccaghyn ain y ymmyrkey ayns e chorp hene er y villey, dy voddagh shinyn, ta livreit veih peccah, ve bio gys cairys; liorish ny lhottyn echey ta shiuish er nyn lheihys.


Lhig dooin ve gennal as boggey ’ghoaill, as ooashley y choyrt da; son ta poosey yn Eayn er jeet, as ta e ven‐phoost er n’yannoo ee hene aarloo.


As haink fer jeh ny shiaght ainleyn hym, echey va ny shiaght siyn lane jeh ny shiaght briwnyssyn, as ren eh taggloo rhym, gra, Tar ayns shoh, as jeeagh‐ym dhyt ben y phoosee, ben yn Eayn.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ