Romanee 7:25 - Yn Conaant Noa 1810

²⁵ Ta mee cur booise da Jee, trooid Yeesey Creest nyn Jiarn. Myr shen eisht, ta mish mee‐hene lesh m’aigney shirveish leigh Yee; agh lesh yn eill, leigh peccah.

Yn Vible Casherick 1775 1819

²⁵ Ta mee cur booise da Jee, trooid Yeesey Creest nyn Jiarn. Myr shen eisht, ta mish mee-hene lesh m’aigney shirveish leigh Yee; agh lesh yn eill, leigh peccah.

Romanee 7:25 ပူးပေါင်းရင်းမြစ်များ

Noo Mian 1:21

As ver ee mac son y theihll, as nee oo genmys eh Yeesey, son sauee eh e phobble veih nyn beccaghyn.

Romanee 6:14

Son cha bee pooar ec peccah harrishdiu: son cha vel shiu fo’n leigh, agh fo grayse.

Romanee 6:17

Agh booise dy row gys Jee, son wheesh as dy row shiu roïe sharvaantyn peccah; dy vel shiu nish er choyrt biallys veih’n chree da’n cummey dy ynsagh v’er ny livrey diu.

Romanee 8:2

Son ta leigh Spyrryd y vea, ayns Creest Yeesey, er n’yannoo mee seyr veih leigh peccah as baase.

1 Corinthianee 15:57

Agh booise dy row gys Jee ta coyrt dooin yn varriaght, trooid nyn Jiarn Yeesey Creest.

2 Corinthianee 9:15

Booise dy row gys Jee son e ghioot erskyn‐insh.

Ephesianee 5:20

Coyrt booise dy kinjagh son dy chooilley nhee da Jee dy jarroo yn Ayr, ayns ennym nyn Jiarn Yeesey Creest;

Philippianee 3:3

Son ta shinyn yn giarey‐chymmylt, ta cur ooashley da Jee ayns y spyrryd, as boggyssagh ayns Creest Yeesey, as cha vel shin coyrt barrant erbee gys yn eill:

Philippianee 4:6

Ny bee‐jee imneagh son nhee erbee: agh ayns dy chooilley nhee liorish padjer as accan lesh toyrt‐booise, lhig da ny aghinyn eu ve soilshit da Jee.

Colossianee 3:17

As cre‐erbee ta shiu gra ny jannoo, jean‐jee ooilley ayns ennym y Chiarn Yeesey, coyrt booise da Jee dy jarroo yn Ayr ny hrooidsyn.

1 Peddyr 2:5

Ta shiuish myrgeddin myr claghyn bioal, er nyn droggal seose ny hie spyrrydoil, ny haggyrtys casherick dy hebbal seose ourallyn spyrrydoil, booisal gys Jee liorish Yeesey Creest.

1 Peddyr 2:9

Agh ta shiuish sheeloghe reiht, saggyrtys reeoil, ashoon casherick, pobble cosnit; dy jinnagh shiu soilshaghey magh yn moylley echeysyn t’er n’eamagh shiu ass y dorraghys gys e hoilshey mirrilagh: