Ta spyrryd y Chiarn orrym’s, er‐y‐fa dy vel eh er my ooillaghey dy phreacheil y sushtal gys ny boghtyn, t’eh er my choyrt dy laanaghey yn vooinjer hrome‐chreeagh, dy phreacheil livrey‐ys gys ny cap‐peeyn, dy chur soilshey da ny doail, as reamys dauesyn ta broojit,
Toiggal shoh, dy vel y chenn ghooinney ain er ny chrossey mârish, dy voddagh corp peccah ve er ny stroie, nagh jinnagh shin ny sodjey peccah y hirveish.
As cha nee adsyn ny lomarcan, agh shin hene myrgeddin, ainyn ta’n chied‐vess jeh’n Spyrryd, dy jarroo ta shinyn shin hene osnaghey cheu‐sthie j’in hene, farkiagh son y doltanys, ta shen, livrey‐ys nyn gallinyn.
Ta’n Spyrryd hene myrgeddin niartaghey lesh ny annooinidyn ain: son cha vel fys ain cre ta shin dy ghuee er y hon myr lhisagh shin: agh ta’n Spyrryd cheddin jannoo accan er nyn son lesh osnaghyn nagh vod glare soilshaghey.
As nee’n Chiarn my livrey veih dy chooilley obbyr olk, as nee eh m’y choadey gys e reeriaght flaunyssagh: huggey dy row gloyr son dy bragh as dy bragh. Amen.
As glennee Jee ersooyl dy chooilley yeïr veih ny sooillyn oc, as cha bee baase ayn maghey shen, chamoo trimshey, ny dobberan, chamoo vees veg y phian arragh: son ta ny reddyn va roïe er n’gholl shaghey.