Romanee 7:18 - Yn Conaant Noa 1810

¹⁸ Son ta fys aym, nagh vel aynym’s, (ta shen, ayns m’eill) red erbee mie cummal: son ta my aigney arryltagh, agh dy yannoo shen ta mie, cha vel eh cheet lhiam.

Yn Vible Casherick 1775 1819

¹⁸ Son ta fys aym, nagh vel aynym’s, (ta shen, ayns m’eill) red erbee mie cummal: son ta my aigney arryltagh, agh dy yannoo shen ta mie, cha vel eh cheet lhiam.

Romanee 7:18 ပူးပေါင်းရင်းမြစ်များ

Noo Mian 15:19

Son magh veih’n chree ta cheet drogh smooinaghtyn, dunverys, brishey‐poosey, maarderys, maarlys, feanish foalsey, goan mollaghtagh.

Noo Luke 11:13

My ta toiggal er‐y‐fa shen euish, ta olk, kys dy choyrt giootyn mie da nyn gloan; cre‐woad smoo nee yn Ayr flaunyssagh eu yn Spyrryd Noo y choyrt dauesyn ta jannoo aghin huggey?

Noo Ean 3:6

Shen t’er ny ruggey jeh’n eill, te foalley; as shen t’er ny ruggey jeh’n Spyrryd, te spyrrydoil.

Romanee 13:14

Agh cur‐jee erriu yn Chiarn Yeesey Creest, as ny gowjee kiarail erbee son yn eill, dy chooilleeney yn thaynt eck.

Romanee 7:15

Son ny ta mee jannoo, cha vel mee lowal jeh: son shen ny baillym, cha vel mee jannoo; agh ny ta dwoaie aym er, shen ta mee jannoo.

Romanee 7:19

Son y vie shen baillym, cha vel mee jannoo: agh yn olk nagh naillym, shen ta mee jannoo.

Romanee 7:25

Ta mee cur booise da Jee, trooid Yeesey Creest nyn Jiarn. Myr shen eisht, ta mish mee‐hene lesh m’aigney shirveish leigh Yee; agh lesh yn eill, leigh peccah.

Romanee 7:5

Son tra va shin ayns yn eill, ren yeearreeyn peccoil va liorish y leigh, gobbraghey ayns nyn oltyn dy ymmyrkey magh mess gys baase.

Galatianee 5:17

Son ta’n eill geearree noi’n Spyrryd, as yn Spyrryd noi’n eill: as t’ad shoh soit yn derrey yeh noi’n jeh elley: myr shen nagh vel shiu jannoo myr bailliu.

Galatianee 5:24

As adsyn ta lesh Creest, ta’d er chrossey yn eill, marish ny yeearreeyn as ny sayntyn.

Philippianee 2:13

Son she Jee ta gobbraghey ayndiu, chammah dy smooinaghtyn er, as dy yannoo jeh e aigney mie hene.

Philippianee 3:12

Cha nee myr dy beign hannah er chosney, ny foast er gheddyn yn slane leagh: agh ta mee chionney huggey, my she shen dy voddym tayrtyn shen, er y hon va mee er my hayrtyn liorish Creest Yeesey.

Titus 3:3

Son va shin hene myrgeddin keayrt dy row mee‐hushtagh, mee‐viallagh, ayns marranys fo reill ymmodee yeearreeyn as eunyssyn peccoil, beaghey ayns goanlys as roon, dwoaiagh, as coyrt dwoaie yn derrey yeh da’n jeh elley.

1 Peddyr 4:2

Nagh jinnagh eh ny sodjey ceau yn chooid elley jeh e hraa ayns yn eill, lurg sayntyn deiney, agh lurg aigney Yee.