Romanee 6:17 - Yn Conaant Noa 1810

¹⁷ Agh booise dy row gys Jee, son wheesh as dy row shiu roïe sharvaantyn peccah; dy vel shiu nish er choyrt biallys veih’n chree da’n cummey dy ynsagh v’er ny livrey diu.

Yn Vible Casherick 1775 1819

¹⁷ Agh booise dy row gys Jee, son wheesh as dy row shiu roïe sharvaantyn peccah; dy vel shiu nish er choyrt biallys veih’n chree da’n cummey dy ynsagh v’er ny livrey diu.

Romanee 6:17 ပူးပေါင်းရင်းမြစ်များ

Jannoo 11:18

Tra cheayll ad shoh, v’ad nyn dhost, as hug ad gloyr da Jee, gra, Eisht ta Jee da ny Ashoonee myrgeddin er ghialdyn arrys gys bea.

Jannoo 28:15

As veih shen, tra cheayll ny braaraghyn j’in, haink ad magh nyn guail choud as Appii‐forum, as ny Three thieyn‐oast: as tra honnick Paul ad, hug eh booise da Jee, as ghow eh dunnallys.

Romanee 1:5

Liorishyn ta shin er n’gheddyn grayse as ostyllys son biallys gys y chredjue mastey dy chooilley ashoon liorish yn ennym echey:

Romanee 1:8

Hoshiaght, ta mee coyrt booise da my Yee trooid Yeesey Creest er nyn son eu ooilley, dy vel y credjue euish er ny imraa jeh trooid y slane seihll.

Romanee 15:18

Son cha goym orrym dy loayrt jeh veg jeh ny reddyn shen nagh vel Creest er n’obbraghey liorym, ayns tayrn ny Ashoonee gys biallys, liorish raa as jannoo.

Romanee 16:26

Agh ta nish jeant cronnal, as liorish scriptyryn ny phadeyryn, cordail rish sarey yn Jee dy bragh farraghtyn, er ny hoilshaghey da dy chooilley ashoon son biallys da’n chredjue).

Romanee 2:8

Agh dauesyn ta anveagh, as nagh vel coyrt biallys da’n irriney, agh geiyrt da neu‐ynrickys; jymmoose as corree;

1 Corinthianee 1:4

Ta mee cur booise da my Yee dy kinjagh ayns y lieh eu, son grayse Yee t’er ny choyrt diu ayns Yeesey Creest;

1 Corinthianee 14:6

Nish, vraaraghyn, my hig‐yms hiuish loayrt lesh chengaghyn joarree, cre‐woad share vees shiu, mannagh loayr‐ym riu, edyr liorish ashlish, ny liorish tushtey, ny liorish phadeyrys, ny liorish ynsagh?

2 Corinthianee 2:14

Nish booise dy row gys Jee, ta dy kinjagh coyrt dooin oyr yn varriaght ayns Creest, as ta skeayley soar millish yn tushtey jehsyn liorin ayns dy chooilley ynnyd.

Ephesianee 1:16

Cha vel mee scuirr dy chur booise er nyn son, jannoo imraa j’iu ayns my phadjeryn;

1 Thessalonianee 3:9

Son cre’n booise oddys mayd reesht y choyrt da Jee er y lieh eu, son ooilley yn boggey ta shin dy ghoaill er y ghraih euish kiongoyrt rish Jee,

2 Thessalonianee 1:3

Ta shin kianlt dy choyrt booise kinjagh gys Jee er nyn son eu, vraaraghyn, myr te cooie, son dy vel y credjue eu cheet er‐ash ny smoo as ny smoo, as graih dagh unnane eu dy cheilley bishaghey.

2 Timothy 1:13

Cumm shickyr bun ny goan slayntoil, t’ou er chlashtyn voym’s, ayns credjue as graih ta ayns Creest Yeesey.

Philemon 1:4

Ta mee coyrt booise da my Yee, dy kinjagh gimraa ort ayns my phadjeryn,

Hebrewnee 11:8

Liorish credjue tra va Abraham er ny eam dy gholl magh gys ynnyd v’eh lurg shen dy gheddyn son eiraght, v’eh biallagh; as jimmee eh magh, gyn fys echey cre gys v’eh goll.

Hebrewnee 5:9

As myr shoh er ny chasherickey, haink eh dy ve bun y taualtys dy bragh farraghtyn dauesyn ooilley ta coyrt biallys da;

1 Peddyr 1:22

Fakin dy vel shiu er chasherickey nyn anmeenyn ayns cur biallys da’n irriney trooid y Spyrryd, gys graih firrinagh jeh ny braaraghyn; jeeagh dy bee‐jee dy jeean graihagh yn derrey yeh er y jeh elley lesh cree glen:

1 Peddyr 2:9

Agh ta shiuish sheeloghe reiht, saggyrtys reeoil, ashoon casherick, pobble cosnit; dy jinnagh shiu soilshaghey magh yn moylley echeysyn t’er n’eamagh shiu ass y dorraghys gys e hoilshey mirrilagh:

1 Peddyr 3:1

Myrgeddin, shiuish vraane‐poost, bee‐jee ayns biallys da ny sheshaghyn eu; my ta veg jeusyn nagh vel biallagh da’n goo, dy vod ad myrgeddin fegooish y goo ve er ny chosney liorish ymmyrkey‐bea ny mraane.

1 Peddyr 4:17

Son ta’n traa tayrn er‐gerrey dy vel briwnys dy ghoaill toshiaght ec thie Yee: as my she orrinyn hig eh hoshiaght, cre’n erree hig orroosyn nagh vel cur biallys da sushtal Yee?

2 Ean 1:4

S’mooar va my voggey, dy dooar mee [paart] jeh dty chloan, gimmeeaght ’syn irriney, myr ta shin, er gheddyn sarey veih’n Ayr.

3 Ean 1:3

Son s’mooar va my voggey, tra haink ny braaraghyn as hoilshee ad dou mychione yn ynrickys t’aynyd’s, dy jarroo myr t’ou gimmeeaght ayns yn irriney.