Romanee 6:14 - Yn Conaant Noa 1810

¹⁴ Son cha bee pooar ec peccah harrishdiu: son cha vel shiu fo’n leigh, agh fo grayse.

Yn Vible Casherick 1775 1819

¹⁴ Son cha bee pooar ec peccah harrishdiu: son cha vel shiu fo’n leigh, agh fo grayse.

Romanee 6:14 ပူးပေါင်းရင်းမြစ်များ

Noo Mian 1:21

As ver ee mac son y theihll, as nee oo genmys eh Yeesey, son sauee eh e phobble veih nyn beccaghyn.

Noo Ean 1:14

As ghow yn Goo er dooghys ny foalley, as ren eh beaghey nyn mast’ ain (as hug shin my‐ner yn ghloyr echey, yn ghloyr myr jeh’n ynrycan Mac er‐ny‐gheddyn jeh’n Ayr) lane dy ghrayse as dy irrinys.

Noo Ean 1:17

Son va’n leigh er ny choyrt liorish Moses, agh haink grayse as firrinys liorish Yeesey Creest.

Noo Ean 8:36

My nee yn Mac er‐y‐fa shen shiuish seyr, bee shiu seyr dy jarroo.

Romanee 11:6

As my she liorish grayse, cha vel eh ny sodjey liorish obbraghyn: er aght elley cha vel grayse ny sodjey grayse. Agh my te liorish obbraghyn, eisht cha vel eh ny sodjey grayse: er aght elley cha vel obbyr jeh veg y vree.

Romanee 4:16

Shen‐y‐fa te jeh credjue, dy voddagh eh ve jeh foayr; dy voddagh y gialdyn ve shickyr da ooilley’n sluight, cha nee dauesyn ny lomacan ta fo’n leigh, agh dauesyn myrgeddin ta jeh credjue Abraham, ta’n ayr ain ooilley.

Romanee 5:17

Son my she liorish peccah un dooinney, ta baase reill trooid un er; foddey smoo nee adsyn t’er gheddyn slane towse dy ghrayse, as jeh’n ghioot dy chairys, reill ayns bea liorish un er, Yeesey Creest.

Romanee 5:18

Shen‐y‐fa myr liorish peccah un er, haink briwnys er dy chooilley ghooinney gys deyrey: myr shen myrgeddin liorish cairys fer, haink yn gioot arryltagh er dy chooilley ghooinney dy heyrey ad gys bea.

Romanee 6:12

Ny lhig da peccah er‐y‐fa shen reill ayns nyn girp marvaanagh, dy jinnagh shiu eh y hirveish ayns ny yeearreeyn eck.

Romanee 6:15

Cre eisht? der mayd rish peccah, er‐yn‐oyr nagh vel shin fo’n leigh, agh fo grayse? ny lhig eh Jee.

Romanee 8:12

Shen‐y‐fa, vraaraghyn, ta shin jatteryn, cha nee da’n eill, dy veaghey lurg yn eill:

Romanee 8:2

Son ta leigh Spyrryd y vea, ayns Creest Yeesey, er n’yannoo mee seyr veih leigh peccah as baase.

Galatianee 3:23

Agh roish my daink credjue, va shin freilt fo’n leigh, jeight seose gys y chredjue, va ny lurg shen dy v’er ny hoilshaghey.

Galatianee 4:21

Insh‐jee dou, shiuish ta aggindagh dy ve fo’n leigh, nagh vel shiu clashtyn y leigh?

Galatianee 5:18

Agh my ta shiu er nyn leeideil liorish y Spyrryd, cha vel shiu fo’n leigh.

Titus 2:14

Hug eh hene er nyn son, dy voddagh eh shin y eaysley veih dy chooilley vee‐chraueeaght, as casherickey da hene pobble reiht, jeean ayns obbraghyn mie.

Hebrewnee 8:10

Son shoh’n conaant neem’s rish thie Israel lurg ny laghyn shen, ta’n Chiarn dy ghra; Ver‐ym my leighyn ayns ny aignaghyn oc, as scrieu‐ym ad er ny creeaghyn oc: as beem’s Jee dauesyn, as bee adsyn pobble dooys.