Romanee 5:9 - Yn Conaant Noa 1810

⁹ Foddey smoo eisht, myr ta shin nish er nyn seyrey liorish e uill, bee mayd er nyn sauail voish jymmoose ny hrooidsyn.

Yn Vible Casherick 1775 1819

⁹ Foddey smoo eisht, myr ta shin nish er nyn seyrey liorish e uill, bee mayd er nyn sauail voish jymmoose ny hrooidsyn.

Romanee 5:9 ပူးပေါင်းရင်းမြစ်များ

Noo Ean 5:24

Dy firrinagh firrinagh ta mee gra riu, Eshyn ta clashtyn my ghoo’s, as credjal aynsyn t’er my choyrt, ta’n vea ta dy bragh farraghtyn echey, as cha jig eh gys coayl‐anmey: agh t’eh er gholl veih baase gys bea.

Romanee 1:18

Son ta jymmoose Yee er ny hoilshaghey veih niau noi dy chooilley vee‐chraueeaght, as neu‐ynrickys ayns neu‐ynrickys.

Romanee 5:1

Shen‐y‐fa er nyn seyrey liorish credjue, ta shee ain rish Jee, trooid nyn Jiarn Yeesey Creest,

Romanee 5:10

Son choud as va shin ayns stayd dy noidys, my va shin coardit rish Jee liorish baase e Vac: foddey smoo, myr ta shin nish goit stiagh gys shee, vees mayd er nyn sauail liorish e vioys.

Romanee 8:1

Cha vel er‐y‐fa shen deyrey erbee ny chour ocsyn t’ayns Creest Yeesey, nagh vel gimmeeaght lurg yn eill, agh lurg y Spyrryd.

Romanee 8:30

As adsyn ren eh kiarail ro‐laue, orroo shoh ren eh myrgeddin geamagh: as adsyn ren eh geamagh, ren eh myrgeddin seyrey: as adsyn t’eh er heyrey, t’eh myrgeddin er ghloyraghey.

Ephesianee 2:13

Agh nish ayns Creest Yeesey, shiuish va keayrt dy row foddey jeh, ta shiu nish er‐gerrey liorish, fuill Chreest.

Ephesianee 2:3

Ayndoo shoh ren shin ooilley myrgeddin beaghey roish nish, ayns sayntyn ny foalley, cooilleeney yeearreeyn yn eill, as yn aigney: as va shin liorish dooghys nyn gloan dy yymmoose, dy jarroo myr feallagh elley.

1 Thessalonianee 1:10

As dy arkiagh son e Vac veih niau, t’eh er hroggal veih ny merriu, dy jarroo Yeesey t’er nyn livrey veih’n chorree ta dy heet.

Hebrewnee 9:14

Cre‐woad smoo nee fuill Chreest, ren eh hene y oural gyn foill gys Jee trooid y Spyrryd dy bragh beayn, yn chooinsheanse euish y ghlenney veih obbraghyn marroo dy hirveish y Jee bio?

Hebrewnee 9:22

As cordail rish y leigh ta dy chooilley red son y chooid smoo er ny ghlenney lesh fuill; as fegooish deayrtey‐foalley cha vel veg y leih [son peccah.]

1 Ean 1:7

Agh my ta shin gimmeeaght ’sy toilshey, myr t’eshyn ’sy toilshey, ta shin freayll sheshaght yn derrey yeh rish y jeh elley, as ta fuill Yeesey Creest e Vac glenney shin veih dy chooilley pheccah.