Romanee 5:8 - Yn Conaant Noa 1810

⁸ Agh ta Jee soilshaghey magh e ghraih hooinyn, choud as va shin foast nyn beccee, hur Creest baase er nyn son.

Yn Vible Casherick 1775 1819

⁸ Agh ta Jee soilshaghey magh e ghraih hooinyn, choud as va shin foast nyn beccee, hur Creest baase er nyn son.

Romanee 5:8 ပူးပေါင်းရင်းမြစ်များ

Noo Ean 15:13

Graih smoo na shoh cha vel ec dooinney erbee, na dooinney dy scarrey rish e vioys son e chaarjyn.

Noo Ean 3:16

Son lheid y ghraih shen hug Jee da’n theihll, dy dug eh e ynrycan Vac v’er ny gheddyn, nagh jinnagh quoi‐erbee chredjagh aynsyn cherraghtyn, agh yn vea ta dy bragh farraghtyn y chosney.

Romanee 3:5

Agh myr ta’n neu‐ynrickys ainyn soilshaghey magh ynrickys Yee, cre jir mayd? Vel Jee neu‐chairagh ta goaill kerraghey? (ta mee loayrt myr dooinney)

Romanee 4:25

Eh va er ny livrey son nyn loghtyn, as va troggit reesht dy heyrey shin.

Romanee 5:20

Agh haink y leigh stiagh, dy voddagh loght ve ny s’cronnal: agh raad vishee peccah, ren grayse bishaghey foddey smoo:

Romanee 5:6

Son choud as va shin foast annoon, ayns traa cooie duillee Creest baase son ny mee‐chrauee.

Romanee 5:7

Son s’coan son dooinney cairagh ragh fer dy baase: ga son dooinney mie yinnagh paart eer baase y hurranse.

Romanee 8:32

Eshyn nagh ren e Vac hene y haghney, agh livrey eh eh seose er nyn son ooilley, kys nagh der eshyn dooin myrgeddin dy arryltagh mârishyn dy chooilley nhee?

Romanee 8:39

Ny yrjid, ny diunid, ny cretoor erbee elley, abyl shinyn y scarrey veih graih Yee, t’ayns Creest Yeesey nyn Jiarn.

Galatianee 2:20

Ta mee er my chrossey marish Creest: Ny‐yeih ta mee bio; foast cha nee mish, agh Creest ta bio aynym: as y vea ta mee nish dy veaghey ’syn eill, ta mee beaghey liorish credjue Mac Yee, va graih echey orrym, as ren eh‐hene y choyrt er my hon.

Ephesianee 2:7

Ayns ny earishyn ta ry heet dy voddagh eh soilshaghey berchys erskyn‐towse e ghrayse, ayns e chenjallys dooinyn, trooid Creest Yeesey.

Ephesianee 5:2

As immee‐jee ayns graih, myr ta Creest myrgeddin er chur graih dooinyn, as er choyrt eh‐hene er nyn son, chebbal as oural son soar millish da Jee.

1 Timothy 1:16

Ny‐yeih, er‐yn‐oyr shoh hooar mee myghin, ayn‐yms dy voddagh Yeesey Creest hoshiaght soilshaghey magh dy chooilley hurranse‐foddey, son sampleyr dauesyn yinnagh ny lurg shoh credjal aynsyn gys bea dy bragh farraghtyn.

Hebrewnee 8:3

Son ta dy chooilley ard‐saggyrt er ny oardaghey dy hebbal giootyn as ourallyn: shen‐y‐fa ve ymmyrchagh dy beagh red ennagh ec y dooinney shoh myrgeddin dy hebbal.

1 Peddyr 3:18

Son ta Creest myrgeddin er hurranse un cheayrt son peccaghyn, yn fer‐cairagh son ny mee‐chairee, (dy voddagh eh shiu y chur lesh gys Jee,) v’eh er ny choyrt gy‐baase ayns yn eill, agh er ny vioghey liorish y Spyrryd:

1 Ean 3:16

Liorish shoh ta shin toiggal graih Yee, ayns dy dug eh sheese e vioys er nyn son: as lhisagh shinyn nyn mioys y chur sheese son ny braaraghyn.