Romanee 5:18 - Yn Conaant Noa 1810

¹⁸ Shen‐y‐fa myr liorish peccah un er, haink briwnys er dy chooilley ghooinney gys deyrey: myr shen myrgeddin liorish cairys fer, haink yn gioot arryltagh er dy chooilley ghooinney dy heyrey ad gys bea.

Yn Vible Casherick 1775 1819

¹⁸ Shen-y-fa myr liorish peccah un er, haink briwnys er dy chooilley ghooinney gys deyrey: myr shen myrgeddin liorish cairys fer, haink yn gioot arryltagh er dy chooilley ghooinney dy heyrey ad gys bea.

Romanee 5:18 ပူးပေါင်းရင်းမြစ်များ

Noo Ean 1:7

Haink eh shoh son feanish, dy ymmyrkey feanish jeh’n toilshey, liorishyn dy voddagh dy chooilley ghooinney credjal.

Noo Ean 12:32

As my veem’s er my hroggal seose jeh’n thalloo, tayrn‐ym dy chooilley ghooinney hym.

Noo Ean 3:26

As haink ad gys Ean, as dooyrt ad rish, Rabbi, eshyn va mayrt er cheu elley dy Yordan, da ren oo feanish y ymmyrkey, cur‐my‐ner, t’eshyn bashtey, as ta dy chooilley ghooinney cheet huggey.

Jannoo 13:39

As liorishyn ta ooilley ny ta credjal er ny heyrey veih dy chooilley nhee, voue nagh voddagh shiu v’er ny heyrey liorish leigh Voses.

Romanee 3:25

Eh ta Jee er chiarail dy ve ny lhiassaghey, trooid credjue ayns e uill, dy hoilshaghey magh e chairys son leih peccaghyn t’er n’gholl shaghey, trooid meenid Yee:

Romanee 4:25

Eh va er ny livrey son nyn loghtyn, as va troggit reesht dy heyrey shin.

Romanee 5:12

Shen‐y‐fa, myr liorish un dooinney haink peccah stiagh ’sy theihll, as baase, liorish peccah; as myr shen jimmee’n baase er dy chooilley ghooinney, son dy vel ooilley er n’yannoo peccah.

Romanee 5:15

Agh cha nee myr ta’n loght, myr shen neesht ta’n gioot arryltagh. Son my she shen kyndagh rish peccah un er, dy daink baase er ymmodee; foddey smoo ta grayse Yee, as y gioot trooid grayse, ta liorish un dooinney Yeesey Creest, er roshtyn er ymmodee.

Romanee 5:19

Son myr liorish mee‐viallys un dooinney va ymmodee jeant nyn beccee: myr shen myrgeddin liorish biallys un er, bee ymmodee jeant cairagh.

Romanee 6:14

Son cha bee pooar ec peccah harrishdiu: son cha vel shiu fo’n leigh, agh fo grayse.

1 Corinthianee 15:22

Son ’naght myr ayns Adam ta ooilley geddyn baase, dy jarroo myr shen ayns Creest bee ooilley jeant bio.

Hebrewnee 2:9

Agh ta shin fakin Yeesey, va jeant son tammylt ny s’inshley na ny ainleyn, liorish surranse baase, coamrit lesh gloyr as ooashley; dy voddagh eh liorish grayse Yee blashtyn er y baase son dy chooilley ghooinney.

2 Peddyr 1:1

Simon Peddyr, sharvaant as ostyl Yeesey Creest, dauesyn ta er n’gheddyn yn credjue ooasle cheddin rooinyn, trooid ynrickys Yee, as nyn Saualtagh Yeesey Creest:

1 Ean 2:20

Agh ta shiu er ny ooillaghey liorish y fer casherick, as toiggal eu ayns dy chooilley nhee.