Romanee 5:11 - Yn Conaant Noa 1810

¹¹ As cha nee ynrycan shen, agh ta shin goaill boggey ayns Jee, trooid nyn Jiarn Yeesey Creest, liorishyn ta shin nish er n’gheddyn y choardail.

Yn Vible Casherick 1775 1819

¹¹ As cha nee ynrycan shen, agh ta shin goaill boggey ayns Jee, trooid nyn Jiarn Yeesey Creest, liorishyn ta shin nish er n’gheddyn y choardail.

Romanee 5:11 ပူးပေါင်းရင်းမြစ်များ

Noo Luke 1:46

As dooyrt Moirrey, Ta m’annym cur ard‐voylley da’n Chiarn,

Noo Ean 1:12

Agh whilleen as ren soiaghey jeh, dauesyn hug eh pooar dy ve nyn mec dy Yee, eer dauesyn ta credjal ayns yn ennym echey:

Romanee 11:15

Son my she liorish tilgey adsyn jeh, va Ashoonee yn theihll goit gys foayr; cree vees yn goaill stiagh oc reesht, agh bioys veih ny merriu?

Romanee 2:17

Cur‐my‐ner, t’ou goaill ort dy ve dty Ew, as t’ou coyrt dty varrant gys y leigh, as boggyssagh ayns Jee;

Romanee 5:1

Shen‐y‐fa er nyn seyrey liorish credjue, ta shee ain rish Jee, trooid nyn Jiarn Yeesey Creest,

Romanee 5:10

Son choud as va shin ayns stayd dy noidys, my va shin coardit rish Jee liorish baase e Vac: foddey smoo, myr ta shin nish goit stiagh gys shee, vees mayd er nyn sauail liorish e vioys.

Romanee 5:3

As cha nee ynrycan shen, agh ta shin goaill boggey ayns seaghyn myrgeddin, toiggal dy vel seaghyn gobbraghey meenid;

Romanee 8:23

As cha nee adsyn ny lomarcan, agh shin hene myrgeddin, ainyn ta’n chied‐vess jeh’n Spyrryd, dy jarroo ta shinyn shin hene osnaghey cheu‐sthie j’in hene, farkiagh son y doltanys, ta shen, livrey‐ys nyn gallinyn.

Romanee 9:10

As cha nee shoh ny‐lomarcan, agh tra va Rebecca myrgeddin er ghientyn ec yn un cheayrt, dy jarroo liorish nyn ayr Isaac.

1 Corinthianee 10:16

Yn cappan dy vannaght ta shin dy oltaghey, nagh nee shoh dy ghoaill ayrn jeh fuill Chreest? Yn arran ta shin dy vrishey, nagh nee shoh dy ghoaill ayrn jeh corp Chreest?

2 Corinthianee 8:19

(As cha nee ynrycan shen, agh v’eh myrgeddin er ny reih liorish ny kialteenyn, dy hroailt mârin lesh y ghiastyllys shoh, t’er ny hirveish liorinyn gys gloyr y Chiarn cheddin, as gys prowal jeh’n aigney arryltagh euish)

Galatianee 4:9

Agh nish erreish da enney ve eu er Jee, er‐nonney lurg da enney ve ec Jee erriuish, kys te dy vel shiu chyndaa gys ny cliaghtaghyn faase as fardalagh, foue shen ta shiu geearee dy ve reesht ayns bondiaght?

Galatianee 5:22

Agh ta mess y Spyrryd, graih, boggey, shee, surranse‐foddey, ymmyrkey meigh, mieys, firrinys,

Philippianee 3:1

Ny sodjey, my vraaraghyn, gow‐jee boggey ayns y Chiarn. Dy scrieu ny reddyn cheddin hiuish, cha vel eh deinagh dooys, agh diuish te vondeishagh.

Philippianee 3:3

Son ta shinyn yn giarey‐chymmylt, ta cur ooashley da Jee ayns y spyrryd, as boggyssagh ayns Creest Yeesey, as cha vel shin coyrt barrant erbee gys yn eill:

Philippianee 4:4

Gow‐jee boggey ayns y Chiarn dy kinjagh, as reesht ta mee gra, Gow‐jee boggey.

Colossianee 2:6

Myr ta shiu eisht er ghoaill rish Creest Yeesey nyn Jiarn, myr shen jean‐jee gimmeeaght aynsyn:

1 Peddyr 1:8

Ersyn ta shiu graihagh, ga nagh vel shiu er vakin eh; ayn, ga nagh vel shiu nish fakin eh, ny‐yeih credjal, ta shiu goaill boggey lesh boggey erskyn insh, as lane dy ghloyr: