Romanee 5:10 - Yn Conaant Noa 1810

¹⁰ Son choud as va shin ayns stayd dy noidys, my va shin coardit rish Jee liorish baase e Vac: foddey smoo, myr ta shin nish goit stiagh gys shee, vees mayd er nyn sauail liorish e vioys.

Yn Vible Casherick 1775 1819

¹⁰ Son choud as va shin ayns stayd dy noidys, my va shin coardit rish Jee liorish baase e Vac: foddey smoo, myr ta shin nish goit stiagh gys shee, vees mayd er nyn sauail liorish e vioys.

Romanee 5:10 ပူးပေါင်းရင်းမြစ်များ

Noo Ean 14:19

Foast tammylt beg, as cha vel y seihll dy my akin ny smoo; agh ta shiuish dy my akin: er‐yn‐oyr dy vel mish bio, bee shiuish bio myrgeddin.

Noo Ean 5:26

Son ’naght myr ta ec yn Ayr bioys ayn hene; myr shen t’eh er choyrt da’n Mac bioys y ve echey ayn hene;

Noo Ean 6:40

As shoh yn aigney echeysyn ta er my choyrt, dy chooilley unnane ta fakin y Mac as credjal ayn, yn vea dy bragh farraghtyn dy ve echey: as trog‐yms seose eh ec y laa jerrinagh.

Noo Ean 6:57

Myr ta’n Ayr bio er my choyrt’s, as ta mee bio liorish yn Ayr: myr shen neesht vees eshyn ta dy my ee’s, bio liorym.

Romanee 11:28

As mychione y sushtal, she noidyn ad er y ghraih euish: agh liorish dy row ad reiht, ta graih er ny choyrt daue er coontey nyn ayraghyn.

Romanee 5:11

As cha nee ynrycan shen, agh ta shin goaill boggey ayns Jee, trooid nyn Jiarn Yeesey Creest, liorishyn ta shin nish er n’gheddyn y choardail.

Romanee 5:6

Son choud as va shin foast annoon, ayns traa cooie duillee Creest baase son ny mee‐chrauee.

Romanee 8:32

Eshyn nagh ren e Vac hene y haghney, agh livrey eh eh seose er nyn son ooilley, kys nagh der eshyn dooin myrgeddin dy arryltagh mârishyn dy chooilley nhee?

Romanee 8:34

Quoi eh ta deyrey? she Creest hooar baase, ny sodjey, t’er n’irree reesht, ta eer ec laue yesh Yee, as ta myrgeddin loayrt ayns y lieh ain.

Romanee 8:7

Er‐yn‐oyr dy vel yeearree ny foalley noidys rish Jee: son cha vel eh fo reill leigh Yee, chamoo dy jarroo oddys eh ve.

2 Corinthianee 5:20

Nish ta shinyn chaghteryn ayns lieh Chreest, myr dy beagh Jee dy chuirrey shiu liorinyn: ta shin guee erriu ayns ynnyd Chreest, bee‐jee coardit rish Jee.

2 Corinthianee 5:21

Son hug eh ersyn va seyr veih peccah, dy ve oural er nyn son; dy voddagh shinyn v’er nyn seyrey liorish Jee aynsyn.

Ephesianee 2:16

As dy voddagh eh ad ny‐neesht y hayrn gys shee rish Jee ayns un chorp liorish y chrosh, liorish shoh stroie yn noidys:

Ephesianee 2:3

Ayndoo shoh ren shin ooilley myrgeddin beaghey roish nish, ayns sayntyn ny foalley, cooilleeney yeearreeyn yn eill, as yn aigney: as va shin liorish dooghys nyn gloan dy yymmoose, dy jarroo myr feallagh elley.

Hebrewnee 2:17

Shen‐y‐fa ve cooie da er dy chooilley aght dy ve jeant casley rish e vraaraghyn; dy voddagh eh ve ny ard‐saggyrt myghinagh as firrinagh, ayns reddyn bentyn rish Jee, dy yannoo lhiassaghey son peccaghyn yn phobble:

Hebrewnee 7:25

Shen‐y‐fa t’eh pooaral myrgeddin dy hauail gys y chooid sodjey adsyn ta cheet gys Jee liorishyn, fakin dy vel eh dy bragh bio dy yannoo stiagh [rish Jee] er nyn son.

1 Ean 2:1

My chloan veggey, ta mee scrieu ny reddyn shoh hiuish, nagh jean shiu peccah. As my ta dooinney erbee jannoo peccah, ta fer ain ta loayrt er nyn son rish yn Ayr, Yeesey Creest yn fer‐cairagh:

1 Ean 4:10

Ayns shoh ta graih, cha nee dy dug shin graih da Jee, agh dy dug eshyn graih dooin, as dy ren eh e Vac y choyrt dy ve lhiassaghey son nyn beccaghyn.

Ashlish 1:18

Mish eh ta bio, as va marroo; as cur‐my‐ner ta mee bio er son dy bragh, Amen; as ta aym ogheryn niurin as baase.