Romanee 5:1 - Yn Conaant Noa 1810

¹ Shen‐y‐fa er nyn seyrey liorish credjue, ta shee ain rish Jee, trooid nyn Jiarn Yeesey Creest,

Yn Vible Casherick 1775 1819

¹ Shen-y-fa er nyn seyrey liorish credjue, ta shee ain rish Jee, trooid nyn Jiarn Yeesey Creest.

Romanee 5:1 ပူးပေါင်းရင်းမြစ်များ

Noo Luke 19:38

Gra, Bannit dy row yn Ree ta cheet ayns ennym y Chiarn: shee ayns niau, as gloyr ayns yn yrjid.

Noo Luke 19:42

Gra, Dy beagh toiggal er ve ayd’s, dy jarroo ayd’s, ayns dty laa shoh hene, jeh ny reddyn ta bentyn rish dty hee! agh nish t’ad follit veih dty hooillyn.

Noo Luke 2:14

Gloyr dy row gys Jee ayns yn yrjid, as er y thalloo shee, aigney‐mie gys deiney.

Noo Ean 14:27

Shee ta mee dy aagail mêriu, my hee ta mee dy choyrt diu: cha nee myr ta’n seihll coyrt ta mish dy choyrt eh diu. Ny lhig da’n cree eu ve seaghnit, chamoo lhig da aggle y ve er.

Noo Ean 16:33

Ny reddyn shoh ta mee er loayrt riu, aynym’s dy vod shee y ve eu. Ayns y theihll vees seaghyn eu: agh bee‐jee dy yien mie, ta mish er gheddyn barriaght er y theihll.

Noo Ean 20:31

Agh t’ad shoh scruit, dy voddagh shiuish credjal dy nee Yeesey yn Creest Mac Yee, as liorish credjal shiu dy chosney bea trooid yn ennym echeysyn.

Noo Ean 5:24

Dy firrinagh firrinagh ta mee gra riu, Eshyn ta clashtyn my ghoo’s, as credjal aynsyn t’er my choyrt, ta’n vea ta dy bragh farraghtyn echey, as cha jig eh gys coayl‐anmey: agh t’eh er gholl veih baase gys bea.

Jannoo 10:36

Yn goo hug Jee gys cloan Israel, preacheil shee liorish Yeesey Creest (eshyn y Chiarn ain ooilley)

Romanee 1:17

Son ayns shen ta firrinys Yee er ny hoilshaghey veih credjue gys credjue: myr te scruit, Bee’n fer cairagh bio liorish credjue.

Romanee 1:7

Dauesyn ooilley ta ’sy Raue, deyr gys Jee, eït dy ve nooghyn: Grayse dy row hiu, as shee veih Jee nyn Ayr, as y Chiarn Yeesey Creest.

Romanee 10:10

Son lesh y chree ta dooinney credjal gys cairys, as lesh y veeal ta goaill rish [y chredjue] er ny yannoo gys saualtys.

Romanee 10:15

As kys nee ad preacheil, mannagh vel ad er nyn goyrt? Myr te scruit, Cre cha aalin ta ny cassyn ocsyn ta preacheil y sushtal dy hee, as cur lhieu naightyn gennal dy nheeghyn mie!

Romanee 14:17

Son cha nee bee ny jough reeriaght Yee, agh cairys, as shee as boggey ayns y Spyrryd Noo.

Romanee 15:13

Nish dy jean y Jee dy hreishteil shiuish y lhieeney lesh dy chooilley voggey as shee ayns credjal, dy vod shiu bishaghey ayns treishteil trooid pooar y Spyrryd Noo.

Romanee 15:33

Nish dy row yn Jee dy hee mêriu ooilley. Amen.

Romanee 3:22

Dy jarroo cairys Yee, ta liorish credjue Yeesey Creest, dauesyn ooilley, as orroosyn ooilley ta credjal; son cha vel liettrimys erbee:

Romanee 3:30

Fakin dy nee yn un Jee cheddin, nee seyrey yn giarey‐chymmylt liorish credjue, as yn an‐ghiarey‐chymmylt trooid credjue.

Romanee 4:5

Agh dasyn nagh vel gobbraghey, agh credjal ersyn ta seyrey ny mee‐chrauee, ta e chredjue er ny choyrt gys e lieh son cairys.

Romanee 5:11

As cha nee ynrycan shen, agh ta shin goaill boggey ayns Jee, trooid nyn Jiarn Yeesey Creest, liorishyn ta shin nish er n’gheddyn y choardail.

Romanee 5:18

Shen‐y‐fa myr liorish peccah un er, haink briwnys er dy chooilley ghooinney gys deyrey: myr shen myrgeddin liorish cairys fer, haink yn gioot arryltagh er dy chooilley ghooinney dy heyrey ad gys bea.

Romanee 6:23

Son she faill peccah yn baase: agh she gioot Yee yn vea dy bragh beayn, trooid Yeesey Creest nyn Jiarn.

Romanee 9:30

Cre jir mayd eisht? Dy vel ny Ashoonee nagh ren geiyrt er cairys, er roshtyn gys cairys, dy jarroo yn chairys ta liorish credjue:

Galatianee 2:16

As fys ain nagh vel dooinney er ny heyrey liorish obbraghyn y leigh, agh liorish credjue Yeesey Creest, ta shinyn eer er chredjal ayns Yeesey Creest; dy voddagh shinyn v’er ny heyrey liorish credjue Chreest, as cha nee liorish obbraghyn y leigh: son liorish obbraghyn y leigh cha bee dooinney bio er ny heyrey.

Galatianee 3:25

Agh erreish da credjue v’er jeet, cha vel shin ny sodjey fo fer‐ynsee.

Galatianee 5:22

Agh ta mess y Spyrryd, graih, boggey, shee, surranse‐foddey, ymmyrkey meigh, mieys, firrinys,

Ephesianee 2:7

Ayns ny earishyn ta ry heet dy voddagh eh soilshaghey berchys erskyn‐towse e ghrayse, ayns e chenjallys dooinyn, trooid Creest Yeesey.

Philippianee 3:9

As ve er my gheddyn aynsyn, cha nee shassoo er my chairys hene, ta liorish y leigh, agh er shen ta liorish credjue ayns Creest, yn chairys shen ta veih Jee liorish credjue:

Colossianee 1:20

As (myr v’eh er n’yannoo shee trooid fuill e chrosh) liorishyn dy choardail dy chooilley nhee rish hene, liorishyn ta mee gra, edyr ad ve nheeghyn er y thalloo, ny nheeghyn ayns niau.

Colossianee 3:15

As lhig da shee Yee reill ayns ny creeaghyn eu, huggey myrgeddin ta shiu er nyn eam ayns un chorp; as bee‐jee booisal.

1 Thessalonianee 5:23

As dy jean y Jee hene dy hee shiu dy slane y chasherickey: as ta mee guee gys Jee dy bee’n slane spyrryd, as annym, as callin eu er ny reayll gyn loght, gys cheet nyn Jiarn Yeesey Creest.

2 Thessalonianee 3:16

Nish dy jean y Chiarn hene dy hee, shee ’choyrt diu dy kinjagh, er dy chooilley aght. Dy row yn Chiarn mêriu ooilley.

Hebrewnee 13:20

Nish dy jean Jee ny shee hug lesh reesht veih ny merriu nyn Jiarn Yeesey, ard‐vochilley ny geyrragh, trooid fuill y chonaant dy bragh farraghtyn,