Romanee 4:16 - Yn Conaant Noa 1810

¹⁶ Shen‐y‐fa te jeh credjue, dy voddagh eh ve jeh foayr; dy voddagh y gialdyn ve shickyr da ooilley’n sluight, cha nee dauesyn ny lomacan ta fo’n leigh, agh dauesyn myrgeddin ta jeh credjue Abraham, ta’n ayr ain ooilley.

Yn Vible Casherick 1775 1819

¹⁶ Shen-y-fa te jeh credjue, dy voddagh eh ve jeh foayr; dy voddagh y gialdyn ve shickyr da ooilley’n sluight, cha nee dauesyn ny-lomarcan ta fo’n leigh, agh dauesyn myrgeddin ta jeh credjue Abraham, ta’n ayr ain ooilley,

Romanee 4:16 ပူးပေါင်းရင်းမြစ်များ

Noo Luke 19:9

As dooyrt Yeesey rish, Jiu ta saultys er jeet gys y thie shoh, ayns wheesh as dy vel eshyn myrgeddin ny vac da Abraham.

Romanee 15:8

Nish ta mee gra, dy row Yeesey Creest ny hirveishagh jeh’n ghiarey‐chymmylt, son firrinys Yee, dy hickyraghey ny gialdynyn va jeant da ny aryraghyn.

Romanee 3:22

Dy jarroo cairys Yee, ta liorish credjue Yeesey Creest, dauesyn ooilley, as orroosyn ooilley ta credjal; son cha vel liettrimys erbee:

Romanee 3:30

Fakin dy nee yn un Jee cheddin, nee seyrey yn giarey‐chymmylt liorish credjue, as yn an‐ghiarey‐chymmylt trooid credjue.

Romanee 4:11

As hooar eh yn cowrey dy ghiarey‐chymmylt, myr seal jeh cairys y chredjue va echey roish hie giarey‐chymmylt er; dy voddagh eh ve yn ayr ocsyn ooilley ta credjal, ga nagh vel ad er nyn ghiarey‐chymmylt; dy voddagh cairys ve er ny choyrt gys y lieh ocsyn myrgeddin:

Romanee 5:1

Shen‐y‐fa er nyn seyrey liorish credjue, ta shee ain rish Jee, trooid nyn Jiarn Yeesey Creest,

Romanee 9:8

Ta shen, Adsyn ta nyn gloan jeh’n eill, cha vel ad shoh nyn gloan dy Yee, agh ta cloan yn ghialdynys goit son y sluight.

Galatianee 3:14

Dy voddagh bannaght Abraham cheet er ny Ashoonee trooid Yeesey Creest: dy voddagh shin gialdyn yn Spyrryd y chosney trooid credjue.

Galatianee 3:16

Nish da Abraham as da e luight va ny gialdynyn jeant. Cha vel eh gra, As da sluightyn, myr jeh ymmodee; agh myr jeh unnane, As da dty luight’s, ta shen Creest.

Galatianee 3:22

Agh ta’n scriptyr er ghoaill stiagh ooilley fo peccah, dy voddagh y gialdyn liorish credjue ayns Yeesey Creest ve er ny choyrt dauesyn ta credjal.

Ephesianee 2:5

Dy jarroo tra va shin marroo ayns peccaghyn, t’eh er vioghey shin cooidjagh marish Creest (liorish grayse ta shiu er nyn sauail)

Ephesianee 2:8

Son liorish grayse ta shiu er nyn sauail, trooid credjue; as shen cha nee j’iu hene: shen gioot Yee eh:

Titus 3:7

Er ny heyrey liorish e ghrayse, dy voddagh shin ve jeant nyn eiraghyn cordail rish treishteil yn vea veayn.

2 Peddyr 1:10

Shen‐y‐fa, vraaraghyn, bee‐jee ny s’kiaralee dy yannoo yn stayd huggey va shiu er nyn eam as er nyn reih, shickyr: son my nee shiu ny reddyn shoh, cha duitt shiu son dy bragh: