Romanee 4:11 - Yn Conaant Noa 1810

¹¹ As hooar eh yn cowrey dy ghiarey‐chymmylt, myr seal jeh cairys y chredjue va echey roish hie giarey‐chymmylt er; dy voddagh eh ve yn ayr ocsyn ooilley ta credjal, ga nagh vel ad er nyn ghiarey‐chymmylt; dy voddagh cairys ve er ny choyrt gys y lieh ocsyn myrgeddin:

Yn Vible Casherick 1775 1819

¹¹ As hooar eh yn cowrey dy ghiarey-chymmylt, myr seal jeh cairys y chredjue va echey roish hie giarey-chymmylt er; dy voddagh eh ve yn ayr ocsyn ooilley ta credjal, ga nagh vel ad er nyn ghiarey-chymmylt; dy voddagh cairys ve er ny choyrt gys y lieh ocsyn myrgeddin:

Romanee 4:11 ပူးပေါင်းရင်းမြစ်များ

Noo Mian 16:16

Dreggyr Simon Peddyr, as dooyrt eh, Uss yn Creest, Mac y Jee bio.

Noo Mian 8:11

As ta mee gra riu, dy jig ymmodee veih yn niar as veih yn neear, as dy soie ad sheese marish Abraham, as Isaac, as Jacob, ayns reeriaght niau.

Noo Luke 19:9

As dooyrt Yeesey rish, Jiu ta saultys er jeet gys y thie shoh, ayns wheesh as dy vel eshyn myrgeddin ny vac da Abraham.

Noo Ean 3:33

Eshyn t’er n’yannoo soiaghey jeh’n eanish echey, t’eh er chur y seal echey huggey, dy vel Jee firrinagh.

Noo Ean 3:36

Eshyn ta credjal ayns y Mac, ta’n vea ta dy bragh farraghtyn echey: as eshyn nagh vel credjal yn Mac, cha vaik eh yn vea, agh nee jymmoose Yee tannaghtyn er.

Noo Ean 6:35

As dooyrt Yeesey roo, Mish arran y vea: eshyn ta cheet hym’s, cha bee eh dy bragh accryssagh; as eshyn ta credjal aynym; cha bee eh dy bragh paagh.

Noo Ean 6:40

As shoh yn aigney echeysyn ta er my choyrt, dy chooilley unnane ta fakin y Mac as credjal ayn, yn vea dy bragh farraghtyn dy ve echey: as trog‐yms seose eh ec y laa jerrinagh.

Noo Ean 6:47

Dy firrinagh firrinagh ta mee gra riu, Eshyn ta credjal aynyms ta’n vea ta dy bragh farraghtyn echey.

Noo Ean 8:33

Dreggyr adsyn eh, She sluight Abraham shin, as cha row shin rieau ayns bondiaght da dooinney erbee: cre’n aght t’ou gra eisht, Bee shiu er nyn yannoo seyr?

Romanee 10:11

Son ta’n scriptyr gra, Quoi‐erbee ta credjal ersyn, nagh bee eh er ny choyrt gys nearey.

Romanee 10:4

Son ta Creest jerrey yn leigh son cairys, da dy chooilley unnane ta credjal.

Romanee 10:6

Agh ta’n chairys ta liorish credjue, loayrt er yn aght shoh, Ny abbyr ayns dty chree, Quoi hed seose gys niau? (ta shen, dy chur lesh Creest neose)

Romanee 3:22

Dy jarroo cairys Yee, ta liorish credjue Yeesey Creest, dauesyn ooilley, as orroosyn ooilley ta credjal; son cha vel liettrimys erbee:

Romanee 3:26

Dy hoilshaghey magh, ta mee gra, ec y traa‐shoh e chairys: dy voddagh eh ve cairagh, as eshyn y heyrey ta credjal ayns Yeesey.

Romanee 3:30

Fakin dy nee yn un Jee cheddin, nee seyrey yn giarey‐chymmylt liorish credjue, as yn an‐ghiarey‐chymmylt trooid credjue.

Romanee 4:10

Kys eisht va soiagh ey ny yannoo jeh? nee lurg da v’er ny ghiarey‐chymmylt, ny roish da v’er ny ghiarey chymmylt? cha nee lurg da v’er ny ghiarey‐chymmylt, agh roish my row eh er ny ghiarey‐chymmylt.

Romanee 9:30

Cre jir mayd eisht? Dy vel ny Ashoonee nagh ren geiyrt er cairys, er roshtyn gys cairys, dy jarroo yn chairys ta liorish credjue:

Romanee 9:33

Myr te scruit, Cur‐my‐ner, ta mee soiaghey ayns Sion clagh‐snapperal, as creg vees oyr tuittym: as quoi‐erbee ta credjal ersyn, cha jig eh giare jeh e hreishteil.

Romanee 9:6

Cha nee dy vod goo Yee ve gyn bree. Son cha nee Israeliteyn ad ooilley, ta jeh Israel.

2 Corinthianee 1:22

Ta myrgeddin er sealal shin, as ta coyrt dooin eearlys y Spyrryd ayns nyn greeaghyn.

Galatianee 3:22

Agh ta’n scriptyr er ghoaill stiagh ooilley fo peccah, dy voddagh y gialdyn liorish credjue ayns Yeesey Creest ve er ny choyrt dauesyn ta credjal.

Galatianee 3:29

As my she lesh Creest shiu, eisht ta shiu sluight Abraham, as eiraghyn cordail rish y ghialdyn.

Galatianee 3:7

Lhig da fys ve eu er‐y‐fa shen, adsyn ta jeh credjue, t’ad shen myrgeddin cloan Abraham.

Galatianee 5:5

Son ta shinyn trooid y Spyrryd farkiaght son y treishteil dy chairys liorish credjue.

Galatianee 6:16

As whilleen as ta gimmeeaght cordail rish yn oardagh shoh, shee dy row orroo, as myghin, as er Israel Yee.

Ephesianee 1:13

Aynsyn ren shiuish myrgeddin treishteil, lurg diu v’er chlashtyn goo yn irriney, sushtal y taualtys eu: aynsyn myrgeddin erreish diu v’er chredjal, va shiu er nyn gowraghey lesh y Spyrryd casherick shen dy ghialdynys,

Ephesianee 4:30

As ny cur‐jee corree er Spyrryd casherick Yee, liorish ta shiu cowrit gys laa yn livrey‐ys eu.

Philippianee 3:9

As ve er my gheddyn aynsyn, cha nee shassoo er my chairys hene, ta liorish y leigh, agh er shen ta liorish credjue ayns Creest, yn chairys shen ta veih Jee liorish credjue:

Hebrewnee 11:7

Liorish credjue, Noah, myr va raaue er ny choyrt da liorish Jee mychione reddyn nagh row foast ry‐akin, greinnit lesh aggle, ren eh arg y hroggal dy hauail e lught‐thie: liorish shoh ren eh yn seihll y gheyrey, as haink eh dy ve eirey jeh’n chairys shen ta liorish credjue.

2 Peddyr 1:1

Simon Peddyr, sharvaant as ostyl Yeesey Creest, dauesyn ta er n’gheddyn yn credjue ooasle cheddin rooinyn, trooid ynrickys Yee, as nyn Saualtagh Yeesey Creest:

Ashlish 9:4

As v’ad fo harey gyn skielley y yannoo da faiyr y thallooin, ny da red glass erbee, ny billey erbee; agh da ny deiney shen ny lomarcan, nagh row cowrey Yee oc ayns glare nyn eddin.