Romanee 4:1 - Yn Conaant Noa 1810

¹ Cre jir mayd eisht dy vel Abraham nyn Ayr er chosney liorish leigh ny foalley?

Yn Vible Casherick 1775 1819

¹ Cre jir mayd eisht, dy vel Abraham nyn Ayr er chosney liorish leigh ny foalley?

Romanee 4:1 ပူးပေါင်းရင်းမြစ်များ

Noo Mian 3:9

As ny smooinee‐jee dy ghra riu hene, Ta Abraham ain son nyn ayr: son ta mee gra riu, dy vel Jee pooaral eer jeh ny claghyn shoh dy hroggal seose cloan da Abraham.

Noo Luke 3:8

Cur‐jee magh nish er‐y‐fa shen messyn cooie dy arrys, as ny jean‐jee toshiaght dy ghra riu hene, Ta Abraham ain son nyn ayr: son ta mee gra riu, dy vel pooar ec Jee eer jeh ny claghyn shoh cloan y hroggal seose da Abraham.

Noo Ean 8:33

Dreggyr adsyn eh, She sluight Abraham shin, as cha row shin rieau ayns bondiaght da dooinney erbee: cre’n aght t’ou gra eisht, Bee shiu er nyn yannoo seyr?

Noo Ean 8:53

Vel uss ny s’ooasle na’n ayr ain Abraham, ta marroo? as ta ny phadeyryn marroo: quoi t’ou jannoo jeed hene?

Noo Ean 8:56

Ghow yn ayr eu Abraham foddiaght dy akin yn laa aym’s: as honnick eh eh, as ghow eh boggey.

Jannoo 13:26

Gheiney as vraaraghyn, cloan kynney Abraham, as quoi‐erbee ta nyn mast’ euish goaill aggle roish Jee, hiuish ta goo yn taualtys shoh er ny chioyrt.

Romanee 1:3

Mychione e Vac Yeesey Creest nyn Jiarn, rug jeh sluight Ghavid lurg dooghys ny foalley,

Romanee 3:5

Agh myr ta’n neu‐ynrickys ainyn soilshaghey magh ynrickys Yee, cre jir mayd? Vel Jee neu‐chairagh ta goaill kerraghey? (ta mee loayrt myr dooinney)

Romanee 4:16

Shen‐y‐fa te jeh credjue, dy voddagh eh ve jeh foayr; dy voddagh y gialdyn ve shickyr da ooilley’n sluight, cha nee dauesyn ny lomacan ta fo’n leigh, agh dauesyn myrgeddin ta jeh credjue Abraham, ta’n ayr ain ooilley.

Romanee 6:1

Cre jir mayd eisht? jean mayd tannaghtyn ayns peccah, dy vod grayse bishaghey?

Romanee 7:7

Cre jir mayd eisht? vel y leigh peccah? ny lhig eh Jee. Dy jarroo, cha row fys er ve aym cre va peccah, agh liorish y leigh: son cha row fys er ve aym cre va saynt, er‐be dy dooyrt y leigh, Cha der oo saynt.

Romanee 8:31

Cre jir mayd eisht rish ny reddyn shoh? my ta Jee lhien, quoi oddys ve nyn ’oï?

2 Corinthianee 11:22

Nee Hebrewnee ad? ta mish myrgeddin: nee Israeliteyn ad? ta mish myrgeddin: nee sluight Abraham ad? ta mish neesht.

Hebrewnee 12:9

Ny‐sodjey, ta er ve ain ayraghyn dooghyssagh, dreill shin fo smaght, as hug shin arrym daue: nagh der mayd eisht foddey sleaïe biallys da Ayr ny spyrrydyn, as ve bio?