Romanee 3:5 - Yn Conaant Noa 1810

⁵ Agh myr ta’n neu‐ynrickys ainyn soilshaghey magh ynrickys Yee, cre jir mayd? Vel Jee neu‐chairagh ta goaill kerraghey? (ta mee loayrt myr dooinney)

Yn Vible Casherick 1775 1819

⁵ Agh myr ta’n neu-ynrickys ainyn soilshaghey magh ynrickys Yee, cre jir mayd? Vel Jee neu-chairagh ta goaill kerraghey? (ta mee loayrt myr dooinney)

Romanee 3:5 ပူးပေါင်းရင်းမြစ်များ

Romanee 12:19

Charjyn ghraihagh, ny gow‐jee cooilleen ec nyn laue hene, agh ny sleaie lhig‐jee lesh corree: son te scruit, Lhiam’s kerraghey; mish nee cooilleeney, ta’n Chiarn dy ghra.

Romanee 2:5

Agh cordail rish creoghys dty chree vee‐arryssagh, t’ou stoyral seose dhyt hene jymmoose cour laa’n yymmoose, as tra vees briwnys cairagh Yee er ny hoilshaghey;

Romanee 3:19

Nish ta fys ain cre‐erbee ta’n leigh dy ghra, te dy ghra roosyn ta fo’n leigh: dy vod dagh beeal ve ny host, as dy vod ooilley’n seihll ve oolee fenish Yee.

Romanee 3:7

Son my ta firrinys Yee (jir ad) er vishaghey ny smoo trooid y neu ynrickys aym’s gys y ghloyr echeysyn: cre’n‐fa foast ta mish myrgeddin er my vriwnys myr peccagh?

Romanee 4:1

Cre jir mayd eisht dy vel Abraham nyn Ayr er chosney liorish leigh ny foalley?

Romanee 5:8

Agh ta Jee soilshaghey magh e ghraih hooinyn, choud as va shin foast nyn beccee, hur Creest baase er nyn son.

Romanee 6:1

Cre jir mayd eisht? jean mayd tannaghtyn ayns peccah, dy vod grayse bishaghey?

Romanee 6:19

Ta mee loayrt lurg cliaghtey deiney, er coontey annooinid yn eill eu: son ’naght myr ta shiu er livrey seose ny oltyn eu dy ve sharvaantyn gys neu‐ghlennid, as veih mee‐chairys gys mee‐chairys; myr shen jean‐jee nish livrey seose ny oltyn eu sharvaantyn dy ynrickys, gys casherickys.

Romanee 7:7

Cre jir mayd eisht? vel y leigh peccah? ny lhig eh Jee. Dy jarroo, cha row fys er ve aym cre va peccah, agh liorish y leigh: son cha row fys er ve aym cre va saynt, er‐be dy dooyrt y leigh, Cha der oo saynt.

Romanee 8:31

Cre jir mayd eisht rish ny reddyn shoh? my ta Jee lhien, quoi oddys ve nyn ’oï?

Romanee 9:30

Cre jir mayd eisht? Dy vel ny Ashoonee nagh ren geiyrt er cairys, er roshtyn gys cairys, dy jarroo yn chairys ta liorish credjue:

1 Corinthianee 15:32

My ta mee myr yarragh oo er chaggey rish beïyn feïe ec Ephesus, cre’n cosney te dou mannagh vel ny merriu girree reesht? Lhig dooin gee as giu, son mairagh yiow mayd baase.

1 Corinthianee 9:8

Vel mee loayrt shoh myr dooinney? as nagh vel y leigh hene gra lheid cheddin?

2 Corinthianee 6:4

Agh ayns dy chooilley nhee soilshaghey shin hene magh myr shirveishee Yee, ayns lane meenid, ayns seaghyn, ayns êgin, ayns chennid,

2 Corinthianee 7:11

Son cur‐my‐ner, yn red shoh hene, dy row shiu trimshagh lurg aght crauee, cre’n imnea ghooisht eh ayndiu, dy jarroo, cre’n seyrey j’iu hene, dy jarroo, cre’n jymmoose, dy jarroo, cre’n aggle, dy jarroo, cre’n yeearree aggindagh, dy jarroo, cre’n jeeanid, dy jarroo, cre’n kerraghey? ayns dy chooilley nhee ta shiu er phrowal shiu hene seyr ayns y chooish shoh.

Galatianee 2:18

Son my ta mee troggal reesht shen ta mee er lhieggal, ta mee jannoo mee‐hene foiljagh.

Galatianee 3:15

My vraaraghyn, ta mee loayrt lurg cliaghtey deiney; My te agh conaant eddyr deiney, ny‐yeih, my te confirmit, cha vel dooinney erbee dy vrishey, ny dy choyrt huggey.

Ashlish 15:3

As ghow ad arrane Voses sharvaant Yee, as arrane yn Eayn, gra, Mooar as mirrillagh ta dty obbraghyn, Hiarn Yee Ooilley‐niartal; cairagh as firrinagh ta dty raaidyn, uss Ree nooghyn.

Ashlish 18:20

Bee‐jee boggyssagh er‐e‐skyn, uss niau, as shiuish ostyllyn as phadeyryn casherick, son ta Jee er choyrt cooilleeney diu urree.