Romanee 3:25 - Yn Conaant Noa 1810

²⁵ Eh ta Jee er chiarail dy ve ny lhiassaghey, trooid credjue ayns e uill, dy hoilshaghey magh e chairys son leih peccaghyn t’er n’gholl shaghey, trooid meenid Yee:

Yn Vible Casherick 1775 1819

²⁵ Eh ta Jee er chiarail dy ve ny lhiassaghey, trooid credjue ayns e uill, dy hoilshaghey magh e chairys son leih peccaghyn t’er n’gholl shaghey, trooid meenid Yee:

Romanee 3:25 ပူးပေါင်းရင်းမြစ်များ

Noo Ean 6:47

Dy firrinagh firrinagh ta mee gra riu, Eshyn ta credjal aynyms ta’n vea ta dy bragh farraghtyn echey.

Jannoo 14:16

As ayns ny earishyn t’er n’gholl shaghey, lhig da ooilley ny Ashoonee shooyl ayns nyn raaidyn hene.

Jannoo 15:18

Ec Jee ta fys er ooilley e obbraghyn hene, er‐dy hoshiaght y theihll.

Jannoo 17:30

As er earishyn y vee‐hushtey oc, cha ghow Jee kerraghey; agh nish t’eh cur sarey da dy chooilley ghooinney er feai ny cruinney arrys y ghoaill:

Jannoo 2:23

Eshyn, va currit diu liorish oardagh ro‐laue as fysserree Yee, ta shiuish er ghoaill, as lesh laueyn mee‐chrauee er chrossey as er varroo.

Jannoo 3:18

Agh shen va Jee ro‐laue er hoilshaghey liorish beeal ooilley e adeyryn, dy row Creest dy hurranse, t’eh myr shoh er chooilleeney.

Jannoo 4:28

Dy yannoo cre‐erbee va dty laue as dty choyrle kiarit ro‐laue dy yannoo.

Romanee 2:4

Ny vel oo soiaghey beg jeh berchys e vieys, as e veenid, as surranse‐foddey, gyn toiggal dy vel mieys Yee dy dty leeideil gys arrys?

Romanee 3:26

Dy hoilshaghey magh, ta mee gra, ec y traa‐shoh e chairys: dy voddagh eh ve cairagh, as eshyn y heyrey ta credjal ayns Yeesey.

Romanee 5:1

Shen‐y‐fa er nyn seyrey liorish credjue, ta shee ain rish Jee, trooid nyn Jiarn Yeesey Creest,

Romanee 5:11

As cha nee ynrycan shen, agh ta shin goaill boggey ayns Jee, trooid nyn Jiarn Yeesey Creest, liorishyn ta shin nish er n’gheddyn y choardail.

Romanee 5:18

Shen‐y‐fa myr liorish peccah un er, haink briwnys er dy chooilley ghooinney gys deyrey: myr shen myrgeddin liorish cairys fer, haink yn gioot arryltagh er dy chooilley ghooinney dy heyrey ad gys bea.

Romanee 5:9

Foddey smoo eisht, myr ta shin nish er nyn seyrey liorish e uill, bee mayd er nyn sauail voish jymmoose ny hrooidsyn.

1 Corinthianee 5:7

Glen‐jee magh er‐y‐fa shen yn chenn soorid, dy vod shiu ve nyn dheayst noa; myr ta shin hene gyn soorid. Son ta Creest yn Eayn‐caisht ain er ny ouralley er nyn son:

2 Corinthianee 5:21

Son hug eh ersyn va seyr veih peccah, dy ve oural er nyn son; dy voddagh shinyn v’er nyn seyrey liorish Jee aynsyn.

Ephesianee 1:7

Aynsyn ta feaysley ain trooid e uill, leih peccaghyn, cordail rish berchys e ghrayse;

Ephesianee 2:13

Agh nish ayns Creest Yeesey, shiuish va keayrt dy row foddey jeh, ta shiu nish er‐gerrey liorish, fuill Chreest.

1 Timothy 1:15

Ta shoh raa firrinagh, as feeu ard‐soiagh ve jeant jeh, dy daink Yeesey Creest gys y theihll dy hauaill peccee; jeu ta mish yn ard er.

Hebrewnee 10:4

Son cha vel eh possible dy jinnagh fuill terriu as goair goaill ersooyl peccaghyn.

Hebrewnee 11:14

Son t’adsyn ta gra lheid ny reddyn, soilshaghey dy plain dy vel ad jeeaghyn son cheer [elley.]

Hebrewnee 11:17

Liorish credjue ren Abraham tra v’eh er ny phrowal, chebbal seose Isaac: as ren eshyn hooar ny gialdynyn e ynrycan er‐ny‐gheddyn mac y hebbal seose:

Hebrewnee 11:7

Liorish credjue, Noah, myr va raaue er ny choyrt da liorish Jee mychione reddyn nagh row foast ry‐akin, greinnit lesh aggle, ren eh arg y hroggal dy hauail e lught‐thie: liorish shoh ren eh yn seihll y gheyrey, as haink eh dy ve eirey jeh’n chairys shen ta liorish credjue.

Hebrewnee 9:28

Myr shen va Creest un cheayrt er ny hebbal dy ymmyrkey peccaghyn ymmodee; as dauesyn ta jeeaghyn er e hon, nee eh soilshaghey eh hene yn nah cheayrt fegooish peccah gys saualtys.

Hebrewnee 9:5

As er‐y‐skyn ny cherubim dy ghloyr scaaghey yn stoyl‐myghin: mychione oc cha vod mayd nish coyrt slane coontey.

1 Ean 1:10

My ta shin gra nagh vel shin er yannoo peccah, ta shin jannoo eshyn ny vreagerey, as cha vel e ghoo aynin.

1 Ean 2:2

As she eshyn yn lhiasaghey son nyn beccaghyn: as cha nee son ny peccaghyn ain ny‐lomarcan, agh myrgeddin son peccaghyn yn seihll ooilley.

1 Ean 4:10

Ayns shoh ta graih, cha nee dy dug shin graih da Jee, agh dy dug eshyn graih dooin, as dy ren eh e Vac y choyrt dy ve lhiassaghey son nyn beccaghyn.

Ashlish 1:5

As veih Yeesey Creest, yn feanish firrinagh, as y chied‐er‐ny‐ruggey veih ny merriu, as prince reeaghyn y thallooin: Huggeysyn va graihagh orrin, as ren shinyn y niee veih nyn beccaghyn ayns yn uill echey hene.

Ashlish 13:8

As ver ooilley cummaltee yn theihll ooashley da, nyn enmyn nagh vel scruit ayns lioar bea yn Eayn er ny varroo er‐dy hoshiaght y theihll.

Ashlish 20:15

As quoi‐erbee nagh row ry‐gheddyn scruit ayns lioar y vea, v’ad er nyn dilgey ayns y logh dy aile.

Ashlish 5:9

As ghow ad arrane noa, gra, T’ou uss feeu dy ghoaill y lioar, as dy eaysley ny sealyn eck: son v’ou er ny choyrt dy baase, as t’ou er chionnaghey shin reesht gys Jee liorish dty uill, ass dy chooilley chynney, as glare, as pobble, as ashoon;