Romanee 3:24 - Yn Conaant Noa 1810

²⁴ Dy nastee jeant seyr liorish e ghrayse, trooid y livrey‐ys ta ayns Yeesey Creest:

Yn Vible Casherick 1775 1819

²⁴ Dy nastee jeant seyr liorish e ghrayse, trooid y livrey-ys ta ayns Yeesey Creest:

Romanee 3:24 ပူးပေါင်းရင်းမြစ်များ

Noo Mian 20:28

Myr nagh daink yn Mac dooinney dy ve shirveishit er, agh dy hirveish, as dy chur e vioys ny lhiassaghey son ymmodee.

Jannoo 15:11

Agh ta shin credjal trooid grayse nyn Jiarn Yeesey Creest, by bee mayd er nyn sauail, er yn un aght roosyn.

Romanee 4:16

Shen‐y‐fa te jeh credjue, dy voddagh eh ve jeh foayr; dy voddagh y gialdyn ve shickyr da ooilley’n sluight, cha nee dauesyn ny lomacan ta fo’n leigh, agh dauesyn myrgeddin ta jeh credjue Abraham, ta’n ayr ain ooilley.

Romanee 4:4

Nish dasyn ta gobbraghey, cha vel y leagh coontit myr foayr, agh myr cair.

Romanee 5:9

Foddey smoo eisht, myr ta shin nish er nyn seyrey liorish e uill, bee mayd er nyn sauail voish jymmoose ny hrooidsyn.

1 Corinthianee 1:30

Agh jehsyn ta shiuish ayns Creest Yeesey eshyn ta liorish Jee er ny yannoo dooinyn creenaght, as cairys, as casherickys, as livrey‐ys:

1 Corinthianee 6:11

As nyn lheid va paart euish: agh va shiu er nyn niee, agh va shiu er nyn gasherickey, agh va shiu er nyn seyrey ayns ennym y Chiarn Yeesey, as liorish Spyrryd yn Jee ain.

Colossianee 1:14

Aynsyn ta feaysley ain trooid e uill, dy jarroo leih nyn beccaghyn;

1 Timothy 2:6

Hug eh hene ny lhiassaghey son ooilley, dy ve er ny hoilshaghey ayns traa cooie.

Titus 2:14

Hug eh hene er nyn son, dy voddagh eh shin y eaysley veih dy chooilley vee‐chraueeaght, as casherickey da hene pobble reiht, jeean ayns obbraghyn mie.

Ashlish 5:9

As ghow ad arrane noa, gra, T’ou uss feeu dy ghoaill y lioar, as dy eaysley ny sealyn eck: son v’ou er ny choyrt dy baase, as t’ou er chionnaghey shin reesht gys Jee liorish dty uill, ass dy chooilley chynney, as glare, as pobble, as ashoon;

Ashlish 7:14

As dooyrt mee rish, Ayd’s ta fys, my Hiarn. As dooyrt eh rhym, Shoh adsyn haink ass seaghyn mooar, as t’er niee nyn goamraghyn, as er ghiallaghey ad liorish fuill yn Eayn.