Romanee 3:19 - Yn Conaant Noa 1810

¹⁹ Nish ta fys ain cre‐erbee ta’n leigh dy ghra, te dy ghra roosyn ta fo’n leigh: dy vod dagh beeal ve ny host, as dy vod ooilley’n seihll ve oolee fenish Yee.

Yn Vible Casherick 1775 1819

¹⁹ Nish ta fys ain cre-erbee ta’n leigh dy ghra, te dy ghra roosyn ta fo’n leigh: dy vod dagh beeal ve ny host, as dy vod ooilley’n seihll ve oolee fenish Yee.

Romanee 3:19 ပူးပေါင်းရင်းမြစ်များ

Noo Ean 15:25

Agh ta shoh, dy vod y raa ve cooilleenit ta scruit ayns y leigh oc, Hug ad dwoaie dou gyn oyr.

Noo Ean 8:9

As v’adsyn cheayll eh, er nyn gheyrey liorish nyn gooinsheanse hene, as hie ad magh fer lurg fer jeu, goaill toshiaght veih yn er‐shinney gys yn er‐saa: as va Yeesey faagit ny lomarcan, as y ven ny shassoo kiongoyrt rish.

Romanee 1:20

Son shen jehsyn nagh vel ry‐akin, ta shen, e phooar dy bragh beayn as e ghooghys flaunyssagh, veih croo’n theihll, t’ad dy baghtal cronnit, er ny hoiggal liorish ny reddyn ta jeant; myr shen dy vel ad gyn leshtal:

Romanee 3:2

Mooarane er dy chooilley aght: hoshiaght, son dy nee dauesyn v’er ny livrey goo Yee.

Romanee 3:23

Son ta ooilley er n’yannoo peccah, as er jeet giare jeh gloyr Yee.

Romanee 3:4

Ny lhig eh Jee: dy jarroo, lhig da Jee ve firrinagh, as dy chooilley ghooinney ny vreagerey; myr te scruit, Dy voddagh oo v’er dty heyrey ayns dty raa, as ynrick tra t’ou briwnys.

Romanee 3:9

Cre eisht? vel shinyn ny share na adsyn? Cha vel er aght erbee: son ta shin roïe er phrowal dy vel chammah Ewnyn as Ashoonee, ooilley fo peccah;

1 Corinthianee 1:29

Nagh jinnagh dooinney erbee boggyssagh ayns yn enish echeysyn.

Galatianee 3:10

Son whilleen as ta jeh obbraghyn y leigh, t’ad fo’n mollaght: son te scruit, Cursit ta dagh unnane nagh vel tannaghtyn ayns dy chooilley nhee ta scruit ayns lioar y leigh dy yannoo ad.

Galatianee 4:21

Insh‐jee dou, shiuish ta aggindagh dy ve fo’n leigh, nagh vel shiu clashtyn y leigh?

Galatianee 4:5

Dy eaysley adsyn va fo’n leigh, dy voddagh shin doltanys mec y gheddyn.

Galatianee 5:18

Agh my ta shiu er nyn leeideil liorish y Spyrryd, cha vel shiu fo’n leigh.