Romanee 3:10 - Yn Conaant Noa 1810

¹⁰ Myr te scruit, Cha vel fer erbee cairagh, cha vel unnane:

Yn Vible Casherick 1775 1819

¹⁰ Myr te scruit, Cha vel fer erbee cairagh, cha vel unnane:

Romanee 3:10 ပူးပေါင်းရင်းမြစ်များ

Noo Mian 15:19

Son magh veih’n chree ta cheet drogh smooinaghtyn, dunverys, brishey‐poosey, maarderys, maarlys, feanish foalsey, goan mollaghtagh.

Noo Mark 10:18

As dooyrt Yeesey rish, Cre’n‐fa t’ou genmys mish mie? cha vel ayn ny ta mie, agh unnane, ynrycan Jee.

Romanee 11:8

Myr te scruit, Ta Jee er choyrt daue spyrryd dy saveenys, sooillyn nagh jinnagh ad fakin, as cleayshyn nagh jinnagh ad clashtyn, gys y laa shoh.

Romanee 3:11

Cha vel fer erbee ta toiggal, cha vel fer erbee ta shirrey lurg Jee.

Romanee 3:23

Son ta ooilley er n’yannoo peccah, as er jeet giare jeh gloyr Yee.

Romanee 3:4

Ny lhig eh Jee: dy jarroo, lhig da Jee ve firrinagh, as dy chooilley ghooinney ny vreagerey; myr te scruit, Dy voddagh oo v’er dty heyrey ayns dty raa, as ynrick tra t’ou briwnys.

Titus 3:3

Son va shin hene myrgeddin keayrt dy row mee‐hushtagh, mee‐viallagh, ayns marranys fo reill ymmodee yeearreeyn as eunyssyn peccoil, beaghey ayns goanlys as roon, dwoaiagh, as coyrt dwoaie yn derrey yeh da’n jeh elley.

1 Peddyr 1:16

Son t’eh scruit, Bee‐jee casherick, son ta mish casherick.

Ashlish 21:8

Agh adsyn ta faitagh, as mee‐chredjuagh, as adsyn ta cur rish obbraghyn dwoaiagh, as dunveryn, as maarderee, as fir‐obbee, as jallooderyn, as dy chooilley vreagerey, yiow nyn gronney ’sy logh ta lossey lesh aile as brimstone: shen y nah vaase.

Ashlish 22:15

Son cheu‐mooie ta moddee, as fir‐obbee, as maarderee, as dunveryn, as adsyn ta cur ooashley da jalloonyn, as quoi erbee shynney lesh as ta jannoo breg.