Romanee 2:5 - Yn Conaant Noa 1810

⁵ Agh cordail rish creoghys dty chree vee‐arryssagh, t’ou stoyral seose dhyt hene jymmoose cour laa’n yymmoose, as tra vees briwnys cairagh Yee er ny hoilshaghey;

Yn Vible Casherick 1775 1819

⁵ Agh cordail rish creoghys dty chree vee-arryssagh, t’ou stoyral seose dhyt hene jymmoose cour laa’n yymmoose, as tra vees briwnys cairagh Yee er ny hoilshaghey;

Romanee 2:5 ပူးပေါင်းရင်းမြစ်များ

Romanee 1:18

Son ta jymmoose Yee er ny hoilshaghey veih niau noi dy chooilley vee‐chraueeaght, as neu‐ynrickys ayns neu‐ynrickys.

Romanee 11:25

Son cha baillym, vraaraghyn, dy beagh shiu mee‐hushtagh jeh’n folliaght shoh, (er‐aggle dy beagh shiu creeney ayns ny smooinaghtyn ard eu hene) dy vel dellid er daghyrt da Israel ayns ayrn, derrey hig slane corp ny Hashoonee stiagh.

Romanee 9:22

Cre my ren Jee, va’n aigney echey dy hoilshaghey e yymmoose, as dy yannoo e phooar cronnal, gymmyrkey lesh lane surranse‐foddey rish ny siyn dy chorree aarloo son toyrt‐mow:

2 Corinthianee 5:10

Son shegin dooin ooilley shassoo fenish stoyl‐briwnys Chreest, dy vod dy chooilley unnane ve cooilleenit son ny reddyn ta jeant ayns y challin, cordail rish shen ny t’eh er n’yannoo, lhig eh ve mie ny sie.

2 Thessalonianee 1:5

Ta cowrey cronnal jeh briwnys cairagh Yee, dy vod shiu ve coontit feeu jeh reeriaght Yee, er y hon ta shiu myrgeddin surranse:

Hebrewnee 3:13

Agh coyrlee‐jee y cheilley gagh‐laa, choud as te enmyssit, Yn la jiu: er‐aggle dy bee veg eu er nyn greoghey liorish molteyrys peccah.

Hebrewnee 3:15

Myr te er ny ghra, Jiu my nee shiu chlashtyn e choraa, ny creoi‐jee nyn greeaghyn, myr ayns y vrasnagh.

Hebrewnee 4:7

Reesht, t’eh phointeil laa, grâ ayns lioar Ghavid, Jiu, lurg choud shen dy earish; myr te er ny ghra, Jiu my nee shiu clashtyn e choraa, ny creoi‐jee nyn greeaghyn.

Jamys 5:3

Ta’n airh as aargid eu mergit; as bee’n mergey oc feanish nyn ’oï eu, as nee eh gee yn eill eu myr aile: ta shiu er stoyral seose tashtaghyn cooidjagh gour ny laghyn s’jerree.

2 Peddyr 2:9

Ec y Chiarn ta fys kys dy livrey yn sleih crauee ass seaghyn, as dy reayll ny mee‐chrauee gys laa ny briwnys dy ve er nyn gerraghey:

2 Peddyr 3:7

Agh ta ny niaughyn as yn thalloo t’ayn nish, liorish y goo cheddin freilt ayns stoyr, kiarit son yn aile ry‐hoi laa ny briwnys, as toyrt‐mow deiney mee‐chrauee.

Jude 1:6

As ny ainleyn nagh dreill yn chied stayd oc hene, agh daag nyn gummallyn cooie, t’eh er vreayll ayns geulaghyn dy bragh farraghtyn fo dorraghys cour briwnys yn laa mooar.

Ashlish 2:21

As hug mee traa jee dy ghoaill arrys jeh’n vaarderys eck, as cha ren ee arrys y ghoaill.

Ashlish 6:17

Son ta laa mooar e yymmoose er jeet, as quoi oddys shassoo?