Romanee 2:20 - Yn Conaant Noa 1810

²⁰ Coyrleyder yn vooinjer vee‐hushtagh, fer‐ynsee oikanyn, ayd ta cummey jeh’n tushtey as y firrinys t’ayns y leigh.

Yn Vible Casherick 1775 1819

²⁰ Coyrleyder yn vooinjer vee-hushtagh, fer-ynsee oikanyn, ayd ta cummey jeh’n tushtey as y firrinys t’ayns y leigh.

Romanee 2:20 ပူးပေါင်းရင်းမြစ်များ

Noo Mian 11:25

Ec y traa shen dreggyr Yeesey as dooyrt eh, Ta mee cur booise dhyt, O Ayr, Hiarn niau as thalloo, er‐yn oyr dy vel oo er cheiltyn ny reddyn shoh vouesyn ta creeney as tushtagh, as dy vel oo er hoilshaghey ad da oikanyn.

Romanee 2:19

As t’ou goaill ort hene, dy vel uss oo hene leeideilagh da ny doail, soilshey dauesyn t’ayns dorraghys,

Romanee 3:31

Vel shin eisht rassey yn leigh trooid credjue? ny lhig eh Jee: dy jarroo firrinagh, ta shin niartaghey’n leigh.

Romanee 6:17

Agh booise dy row gys Jee, son wheesh as dy row shiu roïe sharvaantyn peccah; dy vel shiu nish er choyrt biallys veih’n chree da’n cummey dy ynsagh v’er ny livrey diu.

1 Corinthianee 3:1

As er my hon’s, vraaraghyn, cha voddym loayrt riuish myr rish sleih spyrrydoil, agh myr roosyn ta fo reill ny foalley, dy jarroo myr rish oikanyn ayns Creest.

2 Timothy 1:13

Cumm shickyr bun ny goan slayntoil, t’ou er chlashtyn voym’s, ayns credjue as graih ta ayns Creest Yeesey.

2 Timothy 3:5

Goaill orroo caslys dy chraueeaght, agh jannoo noi’n phooar [vreeoil] echey: veih nyn lheid chyndaa ersooyl.

Titus 1:16

T’ad goaill orroo dy vel tushtey oc dy Yee; agh ayns nyn obbraghyn t’ad gobbal eh, feohdoil as mee‐viallagh, as noi dy chooilley obbyr vie er nyn greoghey.

Hebrewnee 5:13

Son ta dagh unnane ta cliaghtey er bainney, neu‐ynsit ayns y ghoo dy ynrickys: son oikan eh.

Jamys 3:1

My vraaraghyn, ny shir‐jee dy ve ymmodee fir‐ynsee, toiggal [liorish shoh] dy bee mayd ny s’geyre er nyn mriwnys.

1 Peddyr 2:2

Myr oikanyn noa‐ruggit yeearree‐jee bainney spyrrydoil y ghoo, dy vod shiu gaase liorish: