Romanee 2:17 - Yn Conaant Noa 1810

¹⁷ Cur‐my‐ner, t’ou goaill ort dy ve dty Ew, as t’ou coyrt dty varrant gys y leigh, as boggyssagh ayns Jee;

Yn Vible Casherick 1775 1819

¹⁷ Cur-my-ner, t’ou goaill ort dy ve dty Ew, as t’ou coyrt dty varrant gys y leigh, as boggyssagh ayns Jee;

Romanee 2:17 ပူးပေါင်းရင်းမြစ်များ

Noo Mian 3:9

As ny smooinee‐jee dy ghra riu hene, Ta Abraham ain son nyn ayr: son ta mee gra riu, dy vel Jee pooaral eer jeh ny claghyn shoh dy hroggal seose cloan da Abraham.

Noo Luke 10:28

As dooyrt eh rish, T’ou er n’ansoor dy mie: jean shoh, as yiow yn vea.

Noo Ean 5:39

Ronsee‐jee ny scriptyryn, son ayndoosyn ta shiu smooinaghtyn dy vel y vea veayn eu, as she ad shen ta gymmyrkey feanish jeem’s.

Noo Ean 5:45

Ny smooinee‐jee dy jean‐yms plaiynt erriu gys yn Ayr: ta ayn ta plaiynt nyn ’oï eu, eer Moses, ayn ta shiu treishteil.

Noo Ean 7:19

Nagh dug Moses yn leigh diu, as cha vel fer j’iu freayll yn leigh? Cre’n‐fa ta shiu shirrey my vioys y ghoaill?

Noo Ean 8:33

Dreggyr adsyn eh, She sluight Abraham shin, as cha row shin rieau ayns bondiaght da dooinney erbee: cre’n aght t’ou gra eisht, Bee shiu er nyn yannoo seyr?

Noo Ean 8:41

Ta shiuish cur‐rish obbraghyn nyn ayrey hene. Eisht dooyrt ad rish, Cha ruggyr shinyn ayns maarderys; cha vel agh un Ayr ain, ta shen, Jee.

Romanee 2:23

Uss ta boggyssagh ayns y leigh, vel oo liorish brishey’n leigh mee‐ooashlaghey Jee?

Romanee 3:27

Cre vel boggys eisht? te giarit magh. Liorish cre’n leigh? nee jeh obbraghyn? Cha nee: agh liorish y leigh dy chredjue.

Romanee 9:32

Cre’n‐fa? Er‐yn‐oyr nagh hir ad er y hon liorish credjue, agh myr dy beagh eh liorish obbraghyn y leigh: son ren ad snapperal ec y chlagh hug orroo tuittym;

2 Corinthianee 11:22

Nee Hebrewnee ad? ta mish myrgeddin: nee Israeliteyn ad? ta mish myrgeddin: nee sluight Abraham ad? ta mish neesht.

Galatianee 2:15

Shinyn ta nyn Hewnyn liorish dooghys, as cha nee peccee jeh ny Ashoonee,

Ephesianee 2:11

Shen‐y‐fa cooinee‐jee myr va shiu ayns traa dy row Ashoonee ayns yn eill, ta enmyssit an‐ghiarey‐chymmylt, liorish shen ta enmyssit giarey‐chymmylt ayns yn eill jeant liorish laueyn;

Ashlish 2:9

Shione dou dty obbraghyn, as dty heaghyn, as dty voghtynid (agh t’ou berchagh), as ta fys aym er yn oltooan ocsyn ta gra dy nee Hewnyn ad, as nagh vel, agh keeill y Drogh spyrryd.

Ashlish 3:1

As gys ainle yn agglish t’ayns Sardis, scrieu, Ny reddyn shoh t’eshyn gra, echey ta ny shiaght Spyrrydyn dy Yee, as ny shiaght rollageyn; Shione dou dty obbraghyn, dy vel goo ayd dy vel oo bio, agh t’ou marroo.

Ashlish 3:9

Cur‐my‐ner, ver‐ym orroosyn jeh keeill Satan (ta gra dy nee Hewnyn ad, as nagh nee, agh ta breagagh) cur‐my‐ner, ver‐yms orroo cheet as ooashley ’choyrt ec dty chassyn, as toiggal dy vel mish er ve ghraihagh ort.