Romanee 2:14 - Yn Conaant Noa 1810

¹⁴ Son tra ta ny Ashoonee nagh vel y leigh oc, jannoo liorish dooghys ny reddyn t’ayns y leigh t’ad shoh nagh vel y leigh oc, ny leigh daue hene:

Yn Vible Casherick 1775 1819

¹⁴ Son tra ta ny Ashoonee nagh vel y leigh oc, jannoo liorish dooghys ny reddyn t’ayns y leigh, t’ad shoh nagh vel y leigh oc, ny leigh daue hene:

Romanee 2:14 ပူးပေါင်းရင်းမြစ်များ

Jannoo 10:35

Agh ayns dy chooilley ashoon, eshyn ta goaill aggle roish, as gobbraghey cairys, ta soiaghey jeant jehsyn liorish.

Jannoo 14:16

As ayns ny earishyn t’er n’gholl shaghey, lhig da ooilley ny Ashoonee shooyl ayns nyn raaidyn hene.

Jannoo 17:30

As er earishyn y vee‐hushtey oc, cha ghow Jee kerraghey; agh nish t’eh cur sarey da dy chooilley ghooinney er feai ny cruinney arrys y ghoaill:

Romanee 1:32

Ga dy vel toiggal oc jeh briwnys Yee, (dy vel adsyn ta cur rish lheid ny reddyn shoh toilchin baase) cha vel ny lomarcan jannoo ny reddyn cheddin ad hene, agh ta taitnys oc ayndoosyn ta cur roo.

Romanee 2:12

Son bee whilleen as t’er n’yannoo peccah fegooish leigh, er nyn gheyrey neesht fegooish y leigh: as bee whilleen as t’er n’yannoo peccah fo’n leigh, er nyn mriwnys liorish y leigh,

Romanee 2:15

Ta soilshaghey obbyr y leigh scruit ayns nyn greeaghyn, nyn gooinsheanseyn myrgeddin gymmyrkey feanish, as nyn smooinaghtyn hene deyrey, ny seyrey ad ec y traa cheddin.)

Romanee 2:27

As nagh jean yn an ghiarey‐chymmylt ta liorish dooghys, my chooilleenys eh yn leigh, uss y vriwnys, ta liorish eer focklyn y leigh as giarey‐chymmylt brishey’n leigh?

1 Corinthianee 11:14

Nagh vel eer dooghys hene gynsaghey shiu, my ta dooinney ceau e olt gys lhiurid, te nearey da?

1 Corinthianee 9:21

Dauesyn ta fegooish y leigh, myr fegooish y leigh, (ga nagh row mee fegooish y leigh gys Jee, agh fo’n leigh gys Creest) dy voddin adsyn ta fegooish y leigh y chosney.

Ephesianee 2:12

Dy row shiu ec y traa shen fegooish Creest, fegooish cairys gys vondeishyn lught‐thie Israel, as joarreeyn da conaantyn y ghialdyn, gyn veg y treishteil, as fegooish Jee ayns y theihll:

Ephesianee 2:3

Ayndoo shoh ren shin ooilley myrgeddin beaghey roish nish, ayns sayntyn ny foalley, cooilleeney yeearreeyn yn eill, as yn aigney: as va shin liorish dooghys nyn gloan dy yymmoose, dy jarroo myr feallagh elley.

Philippianee 4:8

Ayns focklyn giarey, my chaarjyn, cre‐erbee ny reddyn ta firrinagh, cre‐erbee ny reddyn ta ooasle, cre‐erbee ny reddyn ta cairagh, cre‐erbee ny reddyn ta glen, cre‐erbee ny reddyn ta graihoil, cre‐erbee ny reddyn ta jeh goo mie; my ta foays erbee, as my ta moylley erbee, smooinee‐jee er ny reddyn shoh.