Romanee 2:10 - Yn Conaant Noa 1810

¹⁰ Agh gloyr, ooashley, as shee, da dy chooilley ghooinney ta gobbraghey mie, da’n Ew hoshiaght, as myrgeddin da’n Ashoonagh.

Yn Vible Casherick 1775 1819

¹⁰ Agh gloyr, ooashley, as shee, da dy chooilley ghooinney ta gobbraghey mie, da’n Ew hoshiaght, as myrgeddin da’n Ashoonagh.

Romanee 2:10 ပူးပေါင်းရင်းမြစ်များ

Noo Mian 10:13

As my vees y thie feeu, lhig da’n shee eu cheet er: agh mannagh bee eh feeu, lhig da’n shee eu chyndaa hiu hene reesht.

Noo Luke 1:79

Dy chur soilshey dauesyn ta nyn soie ayns dorraghys as ayns scadoo yn vaaish, dy leeideil ny cassyn ain ayns raad y chee.

Noo Luke 12:37

Bannit ta ny sharvaantyn shen yiow yn Chiarn er nyn arrey, tra hig eh: dy firrinagh ta mee gra riu, dy gryss eh e gharmad mysh, as dy der eh orroo soie sheese gys bee, as dy jig eh magh dy hirveish orroo.

Noo Luke 19:42

Gra, Dy beagh toiggal er ve ayd’s, dy jarroo ayd’s, ayns dty laa shoh hene, jeh ny reddyn ta bentyn rish dty hee! agh nish t’ad follit veih dty hooillyn.

Noo Luke 22:14

As tra va’n oor er jeet, hoie eh sheese as y daa ostyl yeig mârish.

Noo Luke 9:48

As dooyrt eh roo, Quoi‐erbee nee soiaghey jeh’n lhiannoo shoh ayns m’ennym’s, t’eh jannoo soiaghey jeem’s: as quoi‐erbee nee soiaghey jeem’s, t’eh soiaghey jehsyn t’er my choyrt: son eshyn sloo ta nyn mast’ eu ooilley, eshyn syrjey vees.

Noo Ean 12:26

My nee dooinney erbee mish y hirveish, lhig da geiyrt orrym; as y raad ta mish, shen y raad myrgeddin vees my harvaant: my nee dooinney erbee mish y hirveish, dasyn ver my Ayr onnor.

Noo Ean 14:27

Shee ta mee dy aagail mêriu, my hee ta mee dy choyrt diu: cha nee myr ta’n seihll coyrt ta mish dy choyrt eh diu. Ny lhig da’n cree eu ve seaghnit, chamoo lhig da aggle y ve er.

Noo Ean 16:33

Ny reddyn shoh ta mee er loayrt riu, aynym’s dy vod shee y ve eu. Ayns y theihll vees seaghyn eu: agh bee‐jee dy yien mie, ta mish er gheddyn barriaght er y theihll.

Jannoo 10:35

Agh ayns dy chooilley ashoon, eshyn ta goaill aggle roish, as gobbraghey cairys, ta soiaghey jeant jehsyn liorish.

Romanee 14:17

Son cha nee bee ny jough reeriaght Yee, agh cairys, as shee as boggey ayns y Spyrryd Noo.

Romanee 15:13

Nish dy jean y Jee dy hreishteil shiuish y lhieeney lesh dy chooilley voggey as shee ayns credjal, dy vod shiu bishaghey ayns treishteil trooid pooar y Spyrryd Noo.

Romanee 2:7

Dauesyn, liorish tannaghtyn dy meen ayns jannoo mie, ta shirrey son gloyr, as ooashley, as flaunys; yn vea dy bragh farraghtyn:

Romanee 2:9

Seaghyn as angaish er dy chooilley annym ta gobbraghey olk, er yn Ew hoshiaght, as myrgeddin er yn Ashoonagh.

Romanee 5:1

Shen‐y‐fa er nyn seyrey liorish credjue, ta shee ain rish Jee, trooid nyn Jiarn Yeesey Creest,

Romanee 8:6

Son ta yeearree yn eill, baase; agh yeearree yn Spyrryd, bea as shee:

Romanee 9:21

Nagh vel pooar ec y pashey‐der harrish y chray, dy yannoo jeh’n un stoo saagh gys ymmyd ooasle, as saagh elley gys ymmyd mee‐ooasle?

Romanee 9:23

As dy hoilshaghey berchys e ghloyr er ny siyn dy vyghin, v’eh roïe er chiarail son gloyr?

Galatianee 5:22

Agh ta mess y Spyrryd, graih, boggey, shee, surranse‐foddey, ymmyrkey meigh, mieys, firrinys,

Galatianee 5:6

Son ayns Yeesey Creest, cha vel giarey‐chymmylt jeh veg y vondeish, ny an‐ghiarey‐chymmylt, agh credjue ta gobbraghey liorish graih.

Philippianee 4:7

As nee shee Yee ta erskyn dy chooilley hushtey ny creeaghyn as ny aignaghyn eu y reayll trooid Creest Yeesey.

1 Timothy 1:17

Nish gys y Ree dy bragh beayn, va er‐dy‐rieau, nagh vod ve er ny akin, gys yn ynrican Jee creeney, dy row ooashley as gloyr, son dy bragh as dy bragh. Amen.

Hebrewnee 2:7

Ren oo eh red beg s’inshley na ny ainleyn; t’ou er choamrey eh lesh gloyr as ooashley, as hug oo reill da harrish obbraghyn dty laueyn:

Jamys 2:22

Nagh vaik oo kys ren credjue niartaghey lesh e obbraghyn, as liorish obbraghyn, va slane mullagh er credjue?

Jamys 3:13

Quoi ta ny ghooinney creeney as tushtagh ny mast’ eu? lhig da soilshaghey, liorish ymmyrkey mie, e obbraghyn ayns y veenid dy chreenaght.

1 Peddyr 1:7

Dy vod prowal nyn gredjue ta foddey s’costal na airh ta ceau ersooyl, ga er ny hrial lesh aile, ve er ny gheddyn gys moylley, as ooashley, as gloyr ec cheet Yeesey Creest:

1 Peddyr 5:4

As tra hig yn Ard‐vochilley kionfenish, yiow shiu attey dy ghloyr nagh jean fioghey ersooyl.