Romanee 16:7 - Yn Conaant Noa 1810

⁷ Bannee‐jee Andronicus as Junia my gheiney‐mooinjerey as my heshaghyn‐pryssoonee, ta jeh goo ooasle mastey ny ostyllyn, va myrgeddin ayns Creest roym’s.

Yn Vible Casherick 1775 1819

⁷ Bannee-jee Andronicus as Junia my gheiney-mooinjerey as my heshaghyn-pryssoonee, ta jeh goo ooasle mastey ny ostyllyn, va myrgeddin ayns Creest roym’s.

Romanee 16:7 ပူးပေါင်းရင်းမြစ်များ

Noo Ean 14:20

Ayns y laa shen vees fys eu dy vel mish ayns my Ayr, as shiuish aynym’s, as mish ayndiush.

Noo Ean 15:2

Dy chooilley vanglane aynym’s nagh vel gymmyrkey mess, t’eh dy ghoaill ersooyl: as dy chooilley vanglane ta gymmyrkey mess, t’eh dy phollal, dy vod eh ve ny s’messoil.

Noo Ean 6:56

Eshyn ta gee my eill as giu my uill, t’eh baghey aynym’s, as mish aynsyn.

Romanee 16:10

Bannee‐jee Apelles firrinagh ayns Creest. Bannee‐jee adsyn ta jeh lught thie Aristobulus.

Romanee 16:11

Bannee‐jee Herodian my ghooinney‐mooinjerey. Bannee‐jee adsyn ta jeh lught‐thie Narcissus, ta ayns y Chiarn.

Romanee 16:21

Ta Timotheus my heshey‐obbree, as Lucius, as Jason, as Sosipater my gheiney‐mooinjerey, bannaghey shiu.

Romanee 16:3

Bannee‐jee Priscilla as Aquila my cholaboree ayns Creest Yeesey:

Romanee 16:6

Bannee‐jee Moirrey, t’er ve feer dooie dooin.

Romanee 16:8

Bannee‐jee Amplias shynney lhiam ayns y Chiarn.

Romanee 16:9

Bannee‐jee Urban m’ercoonee ayns Creest, as Stachys shynney lhiam.

Romanee 8:1

Cha vel er‐y‐fa shen deyrey erbee ny chour ocsyn t’ayns Creest Yeesey, nagh vel gimmeeaght lurg yn eill, agh lurg y Spyrryd.

Romanee 8:11

Agh my ta’n Spyrryd echeysyn hrog seose Yeesey veih ny merriu, baghey ayndiu; nee eshyn hrog Creest veih ny merriu, ny kirp marvaanagh euish myrgeddin y vioghey, liorish e Spyrryd ta cummal ayndiu.

Romanee 9:3

Son baillym dy beign hene giarit magh veih Creest, er graih my vraaraghyn as my chynney cordail rish yn eïll:

1 Corinthianee 1:30

Agh jehsyn ta shiuish ayns Creest Yeesey eshyn ta liorish Jee er ny yannoo dooinyn creenaght, as cairys, as casherickys, as livrey‐ys:

2 Corinthianee 11:23

Nee shirveishee Chreest ad? (ta mee loayrt myr ommydan) ta mish er‐nyn‐skyn: ayns tooilleilyn ny s’palchey, ayns surranse buillaghyn erskyn towse, ayns pryssoonyn ny s’menkey, ayns gaue baaish dy mennick.

2 Corinthianee 12:2

Bione dou dooinney dy row ayns Creest erskyn kiare bleeaney jeig er‐dy‐henney (ny ayns y chorp v’eh, cha voddym gra; ny ass y chorp v’eh, cha voddym gra; ec Jee ta fys) goit seose gys ny niaughyn syrjey.

2 Corinthianee 5:17

Shen‐y‐fa my ta dooinney erbee ayns Creest, t’eh ny chretoor noa: ta shenn reddyn er n’gholl shaghey, cur‐my‐ner, ta dy chooilley nhee jeant ass y noa.

2 Corinthianee 5:21

Son hug eh ersyn va seyr veih peccah, dy ve oural er nyn son; dy voddagh shinyn v’er nyn seyrey liorish Jee aynsyn.

Galatianee 1:22

As kialteenyn Yudea va ayns Creest, cha row enney oc er my eddin:

Galatianee 2:2

As hie mee seose myr ve er ny hoilshaghey dou ayns ashlish, as hirveish mee orroosyn yn sushtal shen ta mee dy phreacheil mastey ny Ashoonyn, agh er‐lheh da ny ard‐gheiney, er‐aggle er aght erbee dy roie‐in, ny dy beign er roie ayns fardail.

Galatianee 2:6

Agh er nyn son ocsyn va lowit dy ve red ennagh (cre‐erbee v’ad, cha vel eh veg dooys: cha vel Jee soiaghey jeh persoon dooinney erbee) dy jarroo er nyn son ocsyn va goit dy ve myr shoh, tra va shin noi‐ry‐hoi, cha dynsee mee veg sodjey voue.

Galatianee 5:6

Son ayns Yeesey Creest, cha vel giarey‐chymmylt jeh veg y vondeish, ny an‐ghiarey‐chymmylt, agh credjue ta gobbraghey liorish graih.

Galatianee 6:15

Son ayns Creest Yeesey, chamoo ta ghiarey‐chymmylt jeh foays erbee, ny an‐ghiarey‐chymmylt, agh cretoor noa.

Ephesianee 2:10

Son ta shin yn obbyr echeysyn, er nyn groo ayns Creest Yeesey gys obbraghyn mie, ta Jee er n’oardaghey ro‐laue dy jinnagh shin gimmeeaght ayndoo.

Colossianee 4:10

Ta Aristarchus my heshey‐pryssonagh dy vannaghey diu, as Marcus mac shayrey Barnabas (mychione echey hooar shiu currym; my hig eh hiu jean‐jee mooar jeh)

Philemon 1:23

Ta dy dty vannaghey Epaphras, my cho‐phryssoonagh ayns Creest Yeesey;

1 Ean 4:13

Liorish shoh ta fys ain dy vel shin tannaghtyn aynsyn, as eshyn aynin, er‐yn‐oyr dy vel eh er choyrt dooinyn jeh’n Spyrryd echey.

1 Ean 5:20

As ta fys ain dy vel Mac Yee er jeet, as er choyrt dooin tushtey, dy vod mayd enney y choyrt ersyn ta firrinagh: as ta shin aynsyn ta firrinagh, dy jarroo ayns e Vac Yeesey Creest. Shoh yn Jee firrinagh, as yn vea dy bragh farraghtyn.

Ashlish 1:9

Mish Ean, ta myrgeddin nyn mraar, as sheshey ayns seaghyn, as ayns reeriaght as surranse Yeesey Creest, va mee ayns yn ellan, ta enmyssit Patmos, er graih goo Yee, as son recortys Yeesey Creest.